Daǵdarys kezinde qazaqstandyqtar aqshasyn qalaı únemdeı alady? Murat Ábenov halyqty únemdeýdi úırenýge shaqyrdy.

Juldyzdardyń teńgeniń qunsyzdanýyna baılanysty  óziniń ǵalamtordaǵy   paraqshalarynda jetkizgen pikirlerin nazarlaryńyzǵa usynamyz.

Qaraqat Ábildına

Tanymal ánshi Qaraqat Ábildına juldyzdar arasynda alǵashqylardyń biri bolyp devalvasıaǵa qatysty óz pikirin jetkizdi.

“Dollar ósse de, tússe de ár pende mańdaıyna jazylǵan nesibin alady eken… Peshenege jazylǵan nesibe kýrspen ólshenbeıtin bolar… Bárimizge sabyr bersen Allam..!”, – dep óz Instagram paraqshasynda jazba qaldyrǵan ánshiniń devalvasıa ýaqytynda qýanyshty habary da bar eken.

Qaraqat Ábildına 16 jyl buryn dál osy kúni Qydyráli Bolmanovpen nekesin qıǵan eken. Sondyqtan ánshilerimiz búginde elimizdegi qarjylyq qıyndyqtarǵa kóńilderin túsirmeı, ataýly kúnderin toılatýda.

Aıqyn Tólepbergen

Al taǵy bir tanymal ánshimiz Aıqyn bolsa, daǵdarysqa qaramastan, dosynyń týǵan kúnin kóńildi ótkizetinin jetkizgen.

“Dollar-dollarmen, daǵdarys-daǵdaryspen, al týǵan kún óz kestesimen ótedi”, – degen jazbasyn Aıqyn dosyna arnap jarıa etken.

Sáken Maıǵazıev

Halyq súıispenshiligine bólengen “MýzART” tobynyń oryndaýshysy Sáken Maıǵazıev te daǵdarys máselesin nazardan tys qaldyrmapty.

“Sársenbi “sáttilikterimen” bastalyp qoıypty ǵoı”, – dep qaljyńdaǵan ánshimiz dollar quny óskeni jaıly BAQ-ta jarıalanǵan aqparatpen jazbasynda bólisip úlgergen.

Otandyq juldyzdar teńgeniń tómendeýine baılanysty osylaı óz kózqarastaryn bildirdi. Teńgeniń qunsyzdanýy halyqtyń qaltasyna salmaq salatyndyqtan, devalvasıanyń da halyqtyń qarajatymen nan taýyp júrgen  shoý bıznes ókilderine de óz zardabyn tıgizetini anyq. Toıbıznestiń tamyry tartylsa, ánshilerge qıyn kún týatyny sózsiz.