Serik Baımaǵambetov kolonıada.
Qazaqstannyń İshki ister eks-mınıstri jáne Respýblıkanyń kedendik baqylaý komıtetiniń eks-basshysy Serik Baımaǵambetov kolonıada jalańash kúıde eden jýýǵa májbúr bolǵan. Bul týraly "Qamshy" aqparattyq portaly tengrinews.kz-ke silteme jasaı otyryp habarlaıdy.
Shahtınsk sotynda Baımaǵambetov isine baılanysty AK 159/6 túzetý kolonıasynyń 25 jastaǵy jedel ýákiliniń isi qaralyp jatyr.
Jedel bólimniń jas qyzmetkerine burynǵy İİM basshysy Baımaǵambetovty azaptady degen aıyp taǵylyp otyr.
"Sottalýshy Serik Baımaǵambetovty jalańash kúıde túzetý mekemesiniń ǵımaratynda eden jýǵyzǵan. Sottalýshyny aıypty dep tanyp, QK 141-babynyń 1-bóligi boıynsha ("Azaptaý") jalpy rejımdegi túzetý kolonıasyna úsh jylǵa bas bostandyǵynan aıyrýdy suraımyn", - dedi sot tyńdaýynda memlekettik aıyptaýshy Talǵan Álekbaev.
2013 jyldyń qarashasynda jáne 2014 jyldyń sáýir aıynda ol jedel ýákildiń (onyń aty-jóni kórsetilmeıdi) vıp-arestantty eki ret qorlaǵanyn qosyp aıtty.
Eske sala keteıik, Serik Baımaǵambetovke 2013 jyldyń qańtar aıynda 80 myń dollar kóleminde para aldy jáne qyzmettik ókildigin teris paıdalandy degen aıyp taǵylǵan bolatyn. Sot joǵary laýazymdy sheneýnikti 10 jylǵa bas bostandyǵynan aıyryp, Qaraǵandy oblysyndaǵy kolonıaǵa jibergen. 2014 jyldyń jazynda Baımaǵambetovty bireýlerdiń uryp-soqqany jaıly málimet taraldy. Al 2015 jyldyń aqpanynda Baımaǵambetov merziminen buryn bostandyqqa shyqty.
