Teńgeniń turaqsyzdyǵyna baılanysty reseılik sarapshylar Eýrazıalyq odaq aıasynda ortaq valúta “altyndy” engizý valútalyq daǵdarysqa eń ońtaıly sheshim bolmaq degen pikirlerin ortaǵa salyp otyr. Bul týraly "Qamshy" aqparattyq portaly 31 arnaǵa silteme jasaı otyryp habarlaıdy.
Reseılik sarapshylar daǵdarystan shyǵýdyń joly retinde «Dollarǵa altynmen soqqy berý» kerek degen usynystaryn jasaýda.
Kórshiles eldiń sarapshylarynyń oıynsha, ortaq eýrazıalyq valúta qatysýshy elderge saýdany dollarǵa jaltaqtamaı júrgizý múmkindigin beredi.
Al turǵyndar men kásiporyndar valúta aıyrbasy men bank komısıasynan kók tıyn joǵaltpaıtyn bolady. Reseılikter bolashaq eýrazıalyq qarjy ortalyǵyn qurýdaǵy josparlaryn nazarǵa usyndy.
«Eýrazıalyq qor naryǵy, shamamen Máskeýlik qor naryǵynda iske asyrylatyn bolady. Al Eýrazıalyq ortalyq bank Almatyda bolýy múmkin. Árıne bastapqyda qolma-qolsyz altyn paıda bolady. Birneshe jyl ótkesin kesh (qolma-qol aqsha) te turaqtaıdy. Eýropalyq elderdiń eýroǵa ótkendegi tájirıbesin de eskergenimiz jón», – deıdi «Alparı» saraptamalyq departamentiniń dırektory Aleksandr Razývaev.
Bul tujyrymmen qazaqstandyq sarapshylar da ishinara kelisip otyr. Altyndy engizý otandyq kásiporyndardyń jumysyn biraz jeńildeter edi.
Alaıda, ortaq valúta keı qaýip-qaterge sebep bolýy da ábden múmkin. Bul oraıda ekonomıkadan góri saıasat máselesi aldyńǵy qatarǵa shyǵady.
Ekonomıserdiń pikirine sáıkes, qazirgi valútalyq daǵdarys memleket basshylyǵyn búdjetti toltyrýdyń ózge ádisterin izdeýge ıtermeleıdi.
Oǵan mysal retinde Norvegıany keltirýge bolady. Atalmysh el kásipkerlikti damytýǵa qajet qarjyny munaı satylymynan túsken qarajatpen qamtamasyz etip otyrǵan.
"Qamshy" siltpeıdi
