Qaraǵandy oblysy Shahtınsk qalasynyń sotynda QR QM Keden baqylaýy komıtetiniń burynǵy basshysy Serik Baımaǵambetovke azaptaý tásilin qoldandy dep aıyptalǵan AK 159/6 kolonıasynyń qyzmetkerlerine qatysty sot isi jalǵasýda, dep habarlaıdy «Qamshy» portaly  Today.kz-ke ilteme jasaı otyryp.  Sot otyrysy kezinde zardap shegýshi óziniń sózinde kórgen qorlyqtaryn aıtyp bergen edi. Bul týraly qazaqstandyq BAQ jazǵan bolatyn.

Aıyptaýshy jaq Baımaǵambetov 2013 jyly jetkizilgen mekemede ony "tir dálizden" ótkizgenin aıtady. "Bul shynymen bolǵan, ol dáleldengen", - deıdi Shahtınsk qalasy prokýrorynyń orynbasary Talǵat Álekpaev.

Zardap shegýshiniń aıtýynsha, ony kolonıaǵa jetkizgen kezde Rýslan Popován atty qyzmetker jańadan kelgenniń bári aparylatyn karantındik orynǵa ertip aparǵan. Jol boıynda ol Bımaǵambetovty kolonıa qyzmetkerlerinen quralǵan "tir dálizden" ótkizgen. Iaǵnı, bir qatarda turǵan adamdar oǵan soqqy bergen. Al, karantındik orynda Popován oǵan jalańash kúıinde eden jýdyrtpaq bolǵan.

"BAQ-ta is materıaldary durys túsindirilmegen, - deıdi Baımaǵambetov. – Men jalańash kúıde eden jýǵan joqpyn. Popován meni solaı isteýge májbúr etýge tyrysty, bul ózinshe bir dástúr, bul sottalýshyny baǵyndyrý úshin jasalady, men bas tarttym".

Baımaǵambetov sondaı-aq, ony eden jýǵan dep jazǵan BAQ-pen sottaspaq.

"Sotalýshy Baımaǵambetov – burynǵy mınıstr jetkizildi, - deıdi Rýslan Popován. «Ony azaptaý qandaı olqylyq ekenin kim bilmeıdi? Ol VIP belgisimen jetkizilgen sottalýshy. Ol azap kórsetý týraly aryzdy kolonıadaǵy merzimin qysqartý úshin jazyp otyr.»

Sot sheshimi 27 tamyz kúni jarıa etiledi

Munyń aldynda, aıyptaýshy jaq kolonıa qyzmetkerine qatysty úsh jyl bas bostandyǵynan aıyrý jazasyn suraǵany habarlanǵan bolatyn.

Nurzat Toǵjan