Teńgeniń kúrt quldyraýyna baılanysty Qazaqstan halqynyń bankterden alǵan nesıesi 10 trıllıon 711 mıllıard teńgeni quraıdy. Bul týraly "Qamshy" aqparattyq portaly "Nur.kz"-ke silteme jasaı otyryp habarlaıdy.

Ulttyq banktiń 1 shildedegi málimetine júginsek, bul somany qazaqstandyqtardyń  jan basyna shaqqanda ár adamǵa 600 myń teńge nesıeden aınalady. Bul Qazaqstannyń syrtqy qaryzyn eseptemegendegi aqsha.

Málimetke súıensek, kredıtterdiń 76 paıyzy teńgemen bolsa, 24 paıyzy shetel valútasymen ıaǵnı dollarmen berilgen.  Devalvasıadan soń, kóbirek soqqy osy shetel valútasymen alǵan 24 paıyzǵa tıgen. Respýblıka boıynsha, búkil kredıttiń jartysynan kóbi Almaty qalasynyń turǵyndary alǵan. Al, bankter bergen barlyq nesıeniń úshten bir bóligin jeke adamdarǵa tıesili.

İri kompanıalardy aıtpaǵanda, jeke adamdardyń ózi alǵan nesıe de asa qomaqty. 1 shildede resmı kýrs 186 teńge bolǵanyn eskersek, jeke adamdardyń kredıti 2 mıllıard 140 mıllıon dollarǵa teń bolatyn. Endigi jerde, devalvasıadan soń teńgeniń quldyraýyna baılanysty nesıeshiler  70 mıllıard teńge kóleminde zardap shekkenmen birdeı.

Gúlden Ábdibaqyt