"Álemniń aqyry saldary óte aýyr asyǵys sheshimnen kelýi múmkin, óıtkeni AQSH pen Reseıde shamamen belsendi 1800 ıadrolyq eskertý bar, olar bir-birin qysqa merzimde joıyp jiberýge daıyn" dep jazdy brıtanıalyq Deılı Eksperess basylymy.

Basylym qyrǵı-qabaq soǵys kezinde Vashıngton men Máskeý úshinshi dúnıejúzilik soǵysty bastaýǵa shaq qalǵanyn, ásirese Kýba zymyran daǵdarysy shıelenisti kúsheıtkenin jazdy. 40 jyldyq qaqtyǵys kezinde eki el de dabyl qaǵatyn qaýipti deńgeıge jetken.

"Iadrolyq (soǵysqa) birneshe sekýnd qalǵanda ǵana (soǵys) boldyrylmady. Bul qaýip qaıta oraldy, óıtkeni AQSH pen Reseı ıadrolyq qarýlanýdy jalǵastyrýda, ǵylymdaǵy jetistikter olardyń tipti joıqyn ekenin bildiredi" dep jazdy gazet.

Londonda shyǵatyn basylym "tarıhtyń qıamet kúni" derekti fılmine silteme jasap, ıadrolyq soǵysqa barý týraly sheshimniń qanshalyqty aýqymdy bolýy múmkin ekeni týraly boljam jazdy.

Basylymnyń aqparatyna sáıkes, keıbir zymyrandardyń árqaısysynda Hırosımany joıǵan raketadan 50 ese kúshti 10-ǵa jýyq oqtumsyq bar. Iadrolyq aqparat jobasynyń dırektory Hans Krıstensen ıadrolyq qaqtyǵys qaýpi alys emes ekenin aıtty.

"Qolda bar 10 000 áskerı ıadrolyq qarýdyń shamamen 1800-i qysqa merzimde balıstıkalyq zymyrandardan ushyp shyǵýǵa daıyn. Daıyndyqtaǵy ıadrolyq qarýdyń basym bóligi AQSH pen Reseıge tıesili...Birinshi soqqylarda bir-birine qarsy ushyp jatqan eki eldiń ıadrolyq oqtumsyqtary bar 600-den 700-ge deıingi balıstıkalyq zymyrandar bolar edi... Soqqyǵa ushyraıtyn alǵashqy nysandar – Vashıngton, Máskeý sekildi mańyzdy áskerı jáne azamattyq basshylyq jáne basqarý qurylymy bar qalalar. Ol qalalarǵa jasalǵan soqqynyń saldary joıqyn bolýy múmkin. Vashıngtonda nysanaǵa birinshi alynatyn oryndar Aq úı, Pentagon bolar edi jáne 500 kılotondyq oqtumsyq dıametri bir mıl bolatyn ot sharyn jasaıdy" dedi sarapshy.

Derekti fılmdi gıpotetıkalyq senarı týraly jáne qaqtyǵystyń jaqyn arada búkil álemge qalaı aınalýy múmkin ekeni týraly egjeı-tegjeıli toqtalǵan.

Dıktordyń aqparatyna sáıkes, is júzinde bir ýaqytta AQSH, Ulybrıtanıa jáne Fransıa Máskeýge 80 oqtumsyqpen soqqy bermek, qala alaýdyń synyqtary órisine aınalady jáne bir mıllıon adam óledi... 6000 mıl qashyqtyqta amerıkalyq ıadrolyq qarýlar Beıjińge soqqy beredi, óıtkeni AQSH bul shabýyldarǵa Qytaıdyń qatysy bar dep kúdiktenedi... Qytaılyq súńgýir qaıyqtar AQSH-tyń batys jaǵalaýyna, Sıettlden San-Dıegoǵa deıin ıadrolyq soqqylarmen jaýap qaıtarady. Qurban bolǵandar sany 100 mıllıonnan asady...Bombalar úlken órt týdyryp, 50 tonna tútekti aýaǵa jiberip, kún sáýlesin jaýyp, álemdi kenetten ıadrolyq qysqa aınaldyrady.

Paleontolog Trevor Valle ǵalymdar mundaı senarı jerdi eki onjyldyqta muzdatyp, adamzat balasyna apatty áser etýi múmkin dep úreılenedi.