Otandy súıý otbasynan bastalatyndyǵy zańdy qubylys.
Al otbasy tárbıesinde ıman baılyǵy, otan men «qara shańyraq» mártebesiniń kıeligin joǵary qoıý basty qaǵıda bolsa, ulttyǵymyz máńgi tanyla beretindigi sózsiz.
Sondyqtan da, elim dep eleńdegen qoǵamnyń árbir múshesi úshin halqymyzdyń ulttyq úrdis, salt-sana dástúri shynaıy úlgi bop tabylýy tıis.
Ońtústik Qazaqstan oblysynyń ishki saıasat jáne din isteri basqarmasynyń tapsyrmasymen «Ǵalamat» qoǵamdyq birlestigi ústimizdegi jyldyń shilde-tamyz aılarynda oblystyń barlyq aýdan, qalalarynda otbasynyń bedelin kóterý, mádenıettilikti, neke men otbasy qundylyqtaryn nasıhattaý jáne qoǵamnyń genderlik mádenıetin arttyrý boıynsha jergilikti halyqpen kóp balaly analar, jas otbasylar, áıelder uıymdarymen «Otbasy-adam ǵumyrynyń tiregi ǵana emes, qoǵamnyń da basty negizi» taqyryp boıynsha kezdesýler ótkizýde.
Árbir januıa táýelsiz elimizdiń quramdas bóligi, bir tetigi bolǵandyqtan, otbasy máseleleri memleketimizdiń nazarynda. Onyń aıǵaǵy osy jyly Elbasy jarıalaǵan «100 naqty qadam» ulttyq reformasy.
Ult jospardyń Tórtinshi refomasy-birtektilik pen birlik. Bul rette Elbasy qazaqstandyq qoǵamnyń kóptúrliligi-bizdiń álsizdigimiz emes, kúshimiz ekenin jetkizedi. Bunyń aıasynda elimizdegi barlyq azamattar quqyqtyń birdeı kólemin paıdalanyp, jaýapkershiliktiń birdeı júgin arqalap jáne túrli múmkindikterge birdeı qol jetkizýi tıis. Osyndaı birlik pen berekeni qamtamasyz etý arqyly Máńgilik El ıdeıasy tolyq júzege asa túsedi. Munda, ásirese óskeleń urpaqty ulttyq qundylyqtar men patrıotızmge baýlý qaǵıdattaryna erekshe mán berilgen.
Bul baǵytta, Úlken memleket-úlken otbasy» atty jobasyn iske qosý arqyly el tarıhy men ulttyq ulaǵattardy nasıhattaıtyn kınofılmder men telebaǵdarlamalardy kóptep jaryqqa shyǵarý mindeti tur. «Máńgilik el» ıdeıasy balalarǵa jastaıynan bastap tanystyryldy.
Bizdiń óz qundylyqtarymyz bar. Adaldyq, januıanyń birligi elge qyzmet etý, otandy súıý degen máselelerde shyǵarmashylyq adamdarǵa baıqaý jarıalanady. Óıtkeni, ata saltyn syılaý, júrekke ıman uıalatý, salt-dástúrlerdi jalǵastyrý arqyly biz elimizdi máńgilik saqtaı alamyz.
Osy jospardy iske asyrý boıynsha «Ǵalamat» qoǵamdyq birlestigi men Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agettiginiń Ońtústik Qazaqstan oblysy boıynsha departamenti birlesip jurtshylyqqa quqyqtyq mádenıet qalyptastyrý maqsatynda Memorandým túzip, «Parasyz memleket qurý otbasy tárbıesinen bastalady» aıdarymen jumystar júrgizilýde.
Kezdesý barysynda uıymdastyrýshylar qoǵamdyq damýda astamdyq pen nuqsandyqqa barmaı, ata-babamyz belgilep bergen adamı-ımandylyq jolynan taıynbaýdy nasıhattap, adamzattyń dúnıetanymdyq paıymynyń qalyptasýynda otbasynyń róli, qazaq halqynyń turmys tirshiligindegi elge, jerge qurmet kórsetý dástúrleriniń mańyzy, ulttyq tárbıede din men dildiń alar ornyna jekeleı toqtala otyryp, otbasynyń árbir adam taǵdyry úshin mańyzdy ekendigin ǵylymı dáıektermen dáleldeýde.
Tóle bı aýdany «Ǵalamat» qoǵamdyq birlestiginiń tóraıymy Dana Mamanova
