«Astana EXPO-2017» Ulttyq kompanıasy tóńiregindegi daý áli tarqamaı tur. EXPO-2017 burynǵy basqarýshy dırektory Sýlambek Barkınhoev 17 qazanǵa deıin úı qamaýynda bolady. Bul týraly «Qamshy» portaly Tengrinews.kz-ke silteme jasaı otyryp habarlaıdy. Astana qalalyq sotynyń baspasóz qyzmetiniń málimetinde "№2 Almaty aýdandyq soty QR QK-niń 176 babynyń 4-bóliginiń "b" tarmaǵynda qarastyrylǵan qylmysty jasaǵany úshin aıyptalǵan Sýlambek Barkınhoevqa qatysty bultarpaý sharasynyń merzimin uzartýǵa baılanysty tergeýshiniń ótinishin qanaǵattandyrdy", - dep jazylǵan.
Sýlambek Barkınhoevty qamaýda ustaý túrindegi bultartpaý sharasy 4 aıǵa deıin, ıaǵnı 2015 jyldyń 17 qazanyna deıin uzartyldy.
"Astana EKSPO-2017"UK" AQ basqarýshy dırektory Sýlambek Barkınhoevtyń qamaýǵa alynǵany jaıly bıylǵy maýsymda belgili boldy. Sol kezde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmeti onyń "Astana EKSPO-2017"UK" AQ qyzmetkerlerine qatysty 214 mıllıon teńgeni jymqyrdy degen kúdikpen qozǵalǵan qylmystyq isti tergeý jumystary aıasynda ustalǵanyn habarlady.
«Qamshy» silteıdi
