Sońǵy aptada koronavırýstyń úsh jańa nusqasy anyqtaldy jáne olar álemniń kem degende 13 eline tarady.

Sońǵy birneshe aptada COVID-19-dyń jańa úsh nusqasy anyqtaldy. Bul jaǵdaı búkil álemde qyraǵylyqtyń kúsheıýine sebep boldy. Mamandardyń aıtýynsha, Ulybrıtanıada tabylǵan shtamm 70 paıyzǵa tez taralýy múmkin.

Alaıda deıin mýtasıaǵa ushyraǵan vırýs túrleriniń ólimge qanshalyqty soqtyratyny nemese vaksınalar men emdeýdiń qanshalyqty ónimdi ekeni áli anyqtalǵan joq.

Jańa shtamm týraly alǵash ret Ulybrıtanıada 14 jeltoqsanda habarlandy jáne ol "VUI-202012/01" dep ataldy (2020 jyldyń jeltoqsanynda tirkelgen alǵashqy shtamm). Ol alǵash ret qyrkúıektiń ortasynda paıda bolǵan dep boljandy.

Ulybrıtanıada paıda bolǵan jańa vırýs eldiń kóptegen bólikterinde tez arada basym shtamǵa aınaldy.

Ótken aptada Ońtústik Afrıka Ulybrıtanıa nusqasynan góri mýtasıaǵa ushyraǵan taǵy bir jańa shtamm týraly habarlady.

"501.V2" dep atalatyn bul nusqa Ońtústik Afrıkadaǵy jańa rastalǵan ınfeksıalar arasynda basym boldy.

24 jeltoqsanda Afrıkanyń aýrýlardy baqylaý organynyń basshysy Nıgerıada "P681H" dep atalatyn taǵy bir COVID-19 shtamy anyqtalǵanyn aıtty.

Qazirge deıin Ulybrıtanıa, Avstralıa, Kanada, Danıa, Fransıa, Italıa, Japonıa, Lıvan, Nıderlandy, Nıgerıa, Sıngapýr, Ispanıa, Ońtústik Afrıka jáne Shvesıada jańa koronavırýs túrimen aýyrǵan adamdar tirkeldi.