Búgin Qytaı Astanasy Beıjiń qalasynda Japon mıllıtarısterine qarsy soǵystaǵy jeńistiń 70 jyldyǵyna arnalǵan áskerı parad ótýde. Bul týraly «Qamshy» portaly Tengrinews.kz-ke silteme jasaı otyryp habarlaıdy.

QHR Astanasyndaǵa áskerı paradty tamashalaýǵa Qazaqstan Prezıdenti Nursultan Nazarbaev, RF Prezıdenti Vladımır Pýtın, Belorýs Prezıdenti Aleksandr Lýkashenko, Qyrǵyzstan Prezıdenti Almazbek Atambaev, Ózbekstan Prezıdenti Islam Karımov jáne ózge de memleket basshylary qatysýda.

Al Qytaı Halyq Respýblıkasynyń tóraǵasy ár qurmetti qonaqty jeke qarsy alyp, áskerı sherýdi tamashalaıtyn ornyna deıin jetkizip otyrǵan.

Eskerte keteıik, Qytaıdaǵy áskerı paradta QR Qarýly kúshteriniń Aeromobıldi áskerdiń qurmetti qaraýyly jasaǵynyń 76 sarbazy qatysady. Barlyǵy paradqa 17 memlekettiń áskerı qyzmetkerleri jumyldyrylǵan.

Esterińizde bolsa, osyǵan deıin Qazaqstan Prezıdenti Qytaı halqyn jeńistiń 70 jyldyǵymen quttyqtaǵan bolatyn.

Prezıdent Nazarbaev Qytaı tóraǵasy Sı Szınpınge alǵysyn aıta kele, áskerı paradtarǵa qatysty óziniń taǵy bir oıyn bildirgen.

«Áskerı parad, sherý ótkizý – keńestik kezeńnen qalǵan. Ózderińiz biletindeı, qazir álem áskerı parad, sherý ótkizýge qyzyǵýshylyq tanytpaıdy. Desede, bizdiń ortaq tarıhymyz úshin Máskeýdegi jáne Beıjińdegi paradtardyń mańyzy zor bolmaq»,-dedi Qazaqstan Prezıdenti.

Nurzat Toǵjan