Ońtústik Qazaqstan oblysynyń ákimi Beıbit Atamqulov «Ońtústik» ındýstrıaldy aımaǵy men «Ońtústik» arnaıy ekonomıkalyq aımaǵynda bolyp, atqarylyp jatqan jumystarmen tanysty. Oblys basshysy arnaıy ekonomıkalyq aımaqtarda jyldar boıy atqarylǵan jumystar nátıjesin bere bastaǵanyn, óndiristik qýattylyqtyń arqanyn atap ótti. «Indýstrıaldy aımaqtar úlken áleýetke ıe. Osy jyldarda istelgen jumystar eleýli nátıjeler bere bastady. Endi osy qarqyndy arttyra túsý qajet», - dedi B.Atamqulov.

«Ońtústik» IA-da jalpy quny 66 mlrd. teńgeni quraıtyn 128 joba iske asyrylýda. Onyń ishinde 18,5 mlrd. teńgeni quraıtyn 36 jobasy qazirdiń ózinde iske qosyldy. Bul kásiporyndarda 2 782 jańa jumys orny ashyldy. Munda keleshekte jalpy quny 81.67 mlrd. teńgeni quraıtyn ınvestısıalyq jobalar iske asyrylyp, 6 myń jańa jumys oryndary ashylady dep kútilýde. Osy ındýstrıaldy aımaq ashylǵaly beri munda 53 mlrd. teńgeniń ónimi shyǵarylyp, búdjetke salyqtyq túsimder retinde 3,5 mlrd. teńge quryldy.

Búgingi tańda «Ońtústik» arnaıy ekonomıkalyq aımaǵynda jalpy ınvestısıa kólemi 22.6 mlrd. teńgeni quraıtyn 8 iri kompanıa jumys júrgizedi. Munda 1 445 jańa jumys oryndary ashylǵan. Oblys ákimi jumys sapary barysynda kilem toqıtyn, jip ıiretin, gofralyq karton, qaǵaz óndiretin, maqta talshyǵy men maqta selúlozasyn shyǵaratyn kásiporyndardyń jumysymen tanysty. Aıta keteıik, bul taýarlardyń barlyǵy elimizdiń eksporttyq áleýetin arttyryp, sheteldik naryqqa shyǵarylýda.

Daıyndaǵan Aıdar QULJANOV.