Bastaýyshta eki qyzym oqıdy, byltyrǵa deıin memlekettik mindetti tamaqtandyrý boıynsha tamaqtanyp keldi. Al endi mine, kúnine 300 teńge degen baǵany qoıyp balanyń tamaǵyna berseń de beresiń, bermeseń de beresiń dep synyp jetekshileri qylqyldap jatyr. Balań úshin neńdi aıaısyń, beresiń... Búgin búdjet jaǵyn bir qysqartýshy qarjygermen pikirlesip qalǵanymda. "Qazir jer- jerde qysqartýlar jasap jatyrmyz, maksımalno adamdy da qysqartýdamyz, josparlanǵan qarjyny da qysqartyp jatyrmyz" dep, qysqartýdan sharshap otyr. Ne úshin? degenge "bári - EKSPO úshin! jetpeı jatyr, "EKSPO" degen bir áýlıe shyqty ǵoı, únemdeý sonyń saldarynan" dedi?! 
Durys qoı, biraq áleýmettik salada Elbasy birde-bir qysqartýlar qaıta qosylmasa bolmaıdy demep pa edi?! Aıtpaqshy, bala kútimine baılanysty demalysqa shyqqandardyń áleýmettik járdemaqylaryna da Úkimettiń kúnderi túsip jatqandyǵyn taǵy aıtty. 
Sonda EKSPO-nyń arqasynda býyny qataımaq túgili, týylmaǵan urpaqtyń kósegesi kógermese, tıisti memlekettik qoldaýyn ala almasa, bizdiki ne joryq? Ras, Halyqaralyq joba retinde, elimizge ınvestorlar, jańa tehnologıalar júıesi tartylady degenge qarsy emespin. Biraq, ózinde 5 ret Ekspo kórmesin jasaǵan Belgıada eshqandaı búdjetti qysqartpaı, qaıta memlekettik meıramdar men ataýly toılardy azaıtyp-aq, ishki búdjetimen jasap shyqty. Balanyń tamaǵyna, ananyń jaǵdaıyna qol suqpady ǵoı. 
Rahmet, saǵan EKSPO! Gúldense EKSPO, gúldenemiz bárimiz!

Maqsat Jaqaý, Facebook paraqshasynan