Qoldanýshylardyń biri taıaýda YouTube vıdeohostıngindegi arnasyna vıdeo jarıalady. Avtordyń aıtýynsha, vıdeo amerıkalyq Aıdaho shtatyndaǵy Boıse qalasynda túsirildi. Bul týraly "Qamshy" portaly http://tengrinews.kz/ ke silteme jasaı otyryp habarlaıdy.
Beınejazbada beımálim qus ushyp júredi, keskini bizdiń zamanymyzdan buryn tirshilik etken pterozavrǵa uqsaıdy. Beımálim qus vıdeoda 10 sekýndtaı kórinedi. Kadrlardy jaqyndatyp kórgende de qus yqylym zamannyń tirshilik ıesinen aýmaıdy - ózine tán jotasyn jáne keń jazylǵan qanatyn baıqaýǵa bolady. Al skeptıkter bolsa obektıvke jarǵanattyń túsip qalǵanyn aıtady. Ǵalymdar bul rolıkke qatysty túsinik bermedi. Aıta keteıik, pterozavrlar mezozoı kezeńinde tirshilik etken. Bul túrdiń joıylyp ketýi dınozavrlardyń quryp ketý ýaqytymen tuspa-tus keledi, ıaǵnı 65 mıllıon jyl buryn. Pterozavrdyń qanatynyń uzyndyǵy 11 metr.
