Aıova shtatynyń ýnıversıtetiniń mamandary(AQSH) kárilik pen bulshyqetterdiń kemýi prosesin baıaýlatý úshin kúnine bir alma jeý jetkilikti degen qorytyndy jasady. Bul týraly  «Qamshy» portaly vokrugsveta.ru-ke silteme jasaı otyryp  habarlaıdy.

Ýnıversıtettiń ǵalymdary qyzyqty jańalyq ashty. Olar bulshyq etterdiń kemýine sebep bolatyn aqýyzdy anyqtady .  bul proses ásirese, qartaıǵanda tez áreket etedi. ATF4 dep atalatyn aqýyz bulshyq et tininiń damýyn retteıtin genniń belsendiligine jaýap beredi. Aǵzadaǵy ATF4 aqýyzynyń tym artyq bolýy aǵzadaǵy bulshyq et tininiń kólemin qysqartady.

Tyshqandarǵa jasalǵan zertteý ATF4 aqýyzy sanynyń qysqarýy qartaıýdyń keri faktorlaryna qarsy turýǵa kómektesetinin kórsetti. Bulshyq et tonýsyn saqtap turýdyń eń qarapaıym ádisi - alma qabyǵynda óte kóp ýrsol qyshqylyn qabyldaý. Týra osyndaı tıimdi áserdi quramynda tomatıdın qospasy bar tomattar da beredi. Olar bulshyq et ósimine jol berip, olardyń kúshi men tózimdiligin arttyrady. Ǵalymdardyń málimetterinshe, bulshyq etterdiń kárilikke qarsylasýy úshin kúnine bir alma nemese jasyl qyzanaq jeý jetkilikti.

«Tyshqandarǵa jasaǵan tájirıbelerimiz kemirgishter bulshyq etteriniń massasynyń eki aıdyń ishinde 10 paıyzǵa, al bulshyq etter kúshiniń - 30 paıyzǵa ósimin kórsetti. Ol úshin olardyń rasıonyna 0,27 ýrsol qyshqylyn jáne 0,05 paıyz tomatıdındi qosý kerek», - dep málimdedi zertteýdiń jetekshi avtory, Aıova ýnıversıtetindegi medısına profesory Krıstofer Adams.