Kún kúrt qubylyp, aýa salqyndaıtyn bolady. Bul týraly «Qamshy» portaly  Tengrinews.kz-ke silteme jasaı otyryp habarlaıdy.

Sınoptıkter 2015 jyldyń 5-17 qyrkúıegine arnalǵan aýa-raıy boljamyn jarıa etipti.

"Qazgıdromet" RMK ókilderiniń aıtýynsha, Reseıdiń Eýropalyq aýmaǵy aımaqtarynan antısıklon aldaǵy úsh táýlikte Qazaqstan arqyly jyljıtyn bolady. Sondyqtan respýblıkanyń kóptegen oblystarynda jaýyn-shashynsyz aýa-raıy kútiledi, temperatýra burynǵydaı klımattyq normadan tómen bolady, soltústikte, ortalyqta jáne ońtústikte kún ashylǵannan keıin 0, -3 gradýsqa deıin  tómendep,úsik ótýi múmkin. Sonymen qatar, Qazaqstannyń batysynda kelesi atmosferalyq front aýysady, onymen keı jerlerde jańbyr jaýady jáne qysqa merzimdi jylýdan keıin qaıtadan temperatýranyń tómendeýi kútiledi.

Al, YK-news.kz óńirlik basylymynyń málimetinshe, 14 qyrkúıekke qaraǵan túni Shyǵys Qazaqstandaǵy Marqakól qoryǵynyń aımaǵynda qar túsipti. Sınoptıkter osy oblystyń ózge aımaqtarynda da qar jaýýy múmkin degendi aıtyp otyr. 
«Qamshy» silteıdi