Krıptovalúta naryǵynda bıtkoın 15 sáýirde eń joǵary deńgeıge jetken soń, kúrt tómendep, 49%-ǵa deıin qulady. Aımaqtyq esepterde álemdegi Bitcoin óndirisiniń jartysynan astamyna ıelik etetin Qytaıda Shyńjań torabynda elektr jaryǵy sónip, "qaýipsizdik tekseristeri" júrip jatqany aıtyldy. 

Bıtkoın túse bastaǵan kezde aımaqtyq krıptovalúta mamany, jýrnalıs Kolın Vý Twitter-de Qytaıdaǵy elektr jelileriniń óshýi týraly jazdy.

"24 saǵat ishinde bıtkoın óndiretin baseınderdiń heshreti kúrt tómendedi. Antpýl 24,5%, Btc.com 18,9%, Pýlın 33%, Binance 20% tómendedi. Sebep – Qytaıdyń soltústik-batysynda qaýipsizdik ınspeksıasy úshin tolyq jaryq sóndirildi" dep jarıalady jýrnalıs Twitter-de.

"Tek 24 saǵat ishinde álemdegi krıptovalútalardyń jalpy naryqtyq kapıtalızasıasy shamamen 310 mıllıard dollar joǵaltyp, naryq bir kúnde shamamen 2,2 trıllıonnan 1,9 trıllıon dollarǵa deıin tómendegen" dep habarlady Forbes.com. 

Esepter boıynsha, álemdegi Bitcoin óndirisiniń jartysynan astamy Qytaıda ornalasqan. Ol heshrettiń 65%-yn quraıdy. Shyńjań aımaǵy BTC óndirisiniń edáýir bóligin ıelengen. Aqparatqa sáıkes, óndiristiń 20%-dan 36%-ǵa deıingi úlesi Shyńjańǵa tıesili.

Shyńjańdaǵy qazaq jáne uıǵyr sıaqty azshylyq qaýymnyń quqyǵynyń buzylýy máselesin halyqaralyq uıymdar jıi kóterip júr. Jaqynda ǵana The New Yorker basylymy qazaq qyzynyń Shyńjańdaǵy qaıta tárbıeleý ortalyǵyndaǵy ómirin egjeı-tegjeıli baıandaıtyn maqala jarıalaǵan.