Qazaqtyń san tarıhy burmalanyp, ashylmas syrlar buqpalanyp, saltymyz ben ulttyq ónerimizdi endi ǵana izdeýmen áýre bolyp júrgen bizdiń betke ustar "juldyzdar" úndiniń úlgisin jarnamalap áýre bolyp júr.Keshe ǵana toı aldy  qyz ǵumyrymen qoshtasýyn óner aınalasynda júrgen qurbylarymen birge úndiniń saltymen  ótkizgen Asha(Aqbota) Mataı  sózimizge dálel bola  alady.  

Bul bylyǵyn halyq qalamasa kerek. Ashanyń paraqshasyna tasada qalǵan saltymyz týraly oıymen bólisip, ánshini synnyń astyna aldy. Óziniń "qara pıaryn" buqpasyz kórsetken ol sýretterin ınternet álemine júktep áýre. Halyqtyń arqasynda "juldyz" bolyp júrgen óner adamdarynyń tyńdarman pikirimen sanaspaıtyn sekildi. Onsyz da tunyǵy laılanǵan ulttyq ónerdiń óresin eskermeı, basqanyń qańsyǵyn tańsyq kórip halyqqa shyn ónerdi kómeskilep júrgen jandar jeterlik edi. Qazaqtyń tárbıesin alyp, qazaq jeriniń topyraǵyn basyp, aýasmen tynystap júrgen qazaq qyzdaryna osyndaı qısynsyz  qylyq jasaýy- ózin jarnamalaý ma? Desek te, jarnamasynyń « juldyzy janyp»,  qazaqtyń ulttyq namysy kóleńkede qalǵanyn qara kózderimiz qashan eskeredi eken?  "Juldyzdar" shetelge elikteımiz dep júrgende qazaqtyń ádebi bólekteý ekenin túsinse bolar edi, shet eldegideı qazaqqa  "qara pıarmen" tanylý -tasqa tamyr shyǵarýmen teń.

Endigi jerde "juldyzdar" juldyz bolyp janýyna sebepker -halyq ekenin eskerse, ulttyq óner men saltymyzdan attap, batysqa, basqaǵa tabynýyn doǵarsa eken deımiz.

Gúlden Ábdibaqyt