Úsh birdeı ákimniń Zerendi saýnasynda teatr qoıylymyn tamashalaǵany týraly aqparat kózderi halyqtyń nazaryna usynǵan bolatyn. Osyǵan baılanysty 31 arna tilshilerine Sergeı Kýlagın túsinikteme berdi. Bul týraly «Qamshy » portaly habarlaıdy.  «Aqmola oblysynyń ákimi Sergeı Kýlagın, Qostanaı oblysynyń sol kezdegi ákimi Nuraly Sádýaqasov jáne Soltústik Qazaqstan oblysynyń ákimi Erik Sultanov saýnaǵa teatr ártisterin shaqyrtyp, qoıylymyn tamashalady”,- dep Dáýlet Qýanyshpaev  esimdi azamat áleýmettik jelidegi paraqshasynda jazǵan edi. Al Aqmola oblysynyń ákimi  bolsa, jýrnalıserge bergen túsiniktemesinde : “Eshqandaı teatr ártisterin  saýnaǵa shaqyrǵan joqpyz, bul – jala. Biraq ózimdi qaralaǵandarmen sottasa bersem, jumysty kim isteıdi? Ókinishke qaraı, men teatrǵa óte sırek baramyn. Men týǵan kún, úılený toı degenderge múlde barmaımyn. Men eshqaıda barmaımyn. Óıtkeni, jýrnalıser kóredi de, birden jarıalap jiberedi. Men jumystan basqa eshqaıda barmaımyn” ,-dep aıtyp ótipti.

«Qamshy» silteıdi