Almaty shaharynda  jasy 75-ten asqan qarıalar qoǵamdyq kólikterde elektrondy jol júrý bıletiniń kómegimen tegin qatynaıtyn bolady. Bul týraly «Qamshy» portaly «Nur. kz-ke» silteme jasaı otyryp habarlaıdy.

 Qala basshysy Baýyrjan Baıbektiń tóraǵalyǵymen ótken qalalyq máslıhat sesıasynyń kezekti shaqyrylymynda aıtyldy.

Jıynda qoǵamdyq kólikterde jol júrý aqysyna jeńildikter engizý máselesi talqylanǵan bolatyn. Qala ákimi Baýyrjan Baıbek dál qazirgi qıyn kezeńde qarıalarymyzǵa barynsha qoldaý kórsetý kerektigin atap ótti.

“Memleket basshysy Nursultan Nazarbaev ardagerlerimizge, qarıalarymyzǵa únemi qoldaý bildirip keledi. Bizdiń 75-ten asqan qarttarǵa jol júrý aqysyn tegin etýimiz de turǵyndar arasynda qoldaýǵa ıe bolady degen senimdemin” – dedi Almaty ákimi.

Aıta keteıik, jıyn barysynda 15 jastan asqan mektep jáne kolej oqýshylaryna, JOO stýdentterine, jasyna qaraı zeınetkerlerge de qoǵamdyq kólikterde 50% jeńildikpen júrý máselesi oń sheshimin tapty.