Tatarstan astanasy Qazan qalasyndaǵy №175 mektepte atys uıymdastyrǵan Ilnaz Galávıevke ómir boıyna bas bostandyǵynan aıyrylý jazasy berilýi múmkin. Ol qylmystyq kodekstiń 105-baby 2-bóligi "eki nemese odan da kóp adamdy óltirý" faktisi boıynsha aıyptalýda. Bul týraly Habar 24 saıty habarlady. 

Kúdikti ázirge 2 aıǵa tergeý ızolátoryna qamaýǵa alyndy. Galávıev dáriger, psıhıatr, narkolog mamandarynyń esebinde tirkelmegen. Buǵan deıin onyń bas aýrýymen birneshe ret dárigerlerdiń kómegine júgingeni anyqtaldy.

Bıylǵy jyldyń basynan bastap týystary onyń agresıalyq minez-qulqyn baıqaǵan. Qazir tergeýshiler Ilnaz Galávıevtyń 11 mamyr kúni esirtki qoldanǵan nemese qoldanbaǵany jóninde saraptama nátıjelerin kútýde. Biraq ol psıhologıalyq-psıhıatrıalyq syndy tekseristerden ótýi kerek.

Kúdikti mektepke shabýyl jasamas buryn Telegram-da arnaıy kanal ashyp, sol jerde adamdardy óltiretinin jarıalaǵan.

Eske sala keteıik, 11 mamyrda Qazan qalasynda 19 jastaǵy jasóspirim Ilnaz Galávıev ózi oqyǵan № 175 gımnazıaǵa qarýmen shabýyl jasap, mekteptiń  kireberisinde qoldan jasalǵan jarylǵysh zatty iske qosqan. Sonyń saldarynan 2 muǵalim jáne 7 oqýshy qaza taýyp, 21 adam jaraqat aldy.