"Ashyq" jobasy el áýejaılaryna engizilip jatyr. Bul týraly sıfrlyq damý, ınovasıalar jáne aeroǵarysh ónerkásibi vıse-mınıstri Áset Turysov málimdedi.

– 2021 jyldyń 11 mamyrynan bastap kóliktegi bas sanıtarlyq dárigerdiń qaýlysymen "Ashyq" jobasyna qatysatyn áýejaılardy qospaǵanda, qyzyl aımaqta ornalasqan shyǵaryp salýshylar men qarsy alýshylardyń áýejaı ǵımarattaryna kirýin shekteý boıynsha talaptar qoıyldy. 2021 jylǵy 12 mamyrdan bastap Nur-Sultan qalasynyń áýejaıy osy jobaǵa qosyldy, – dedi vıse-mınıstr. 

Onyń aıtýynsha, shyǵaryp salatyn jáne qarsy alatyn jolaýshylar áýejaı ǵımaratyna qosymshanyń kómegimen ótedi.

– "Ashyq" áýejaıda az ýaqyttyń ishinde óziniń tıimdiligin kórsetti. Mártebesi qyzyl – 8, mártebesi sary 9 jolaýshy anyqtaldy. Bul indet juqtyrǵanyn, aýyryp júrgenin bile tura, adamdardyń kóbi áýejaıǵa kelip, Qazaqstan boıynsha júrýge tyrysatynyn kórsetedi. Sonymen qatar, 21 mamyrdan bastap "Ashyq" Almaty qalasynyń áýejaıynda engiziledi, – dep aıtty Áset Turysov.