Almaty. Qamshy portaly - Bıznesmenderdiń quqyǵyn qorǵaıtyn Mańǵystaý oblysy kásipkerler palatasy mamandarynyń kómegimen kásipkerlerdiń 5 mln. teńgeden astam qarjysy qaltasynda qaldy. Olar salyq organdarynyń qate eseptelgen salyqtary men basqa da talaptaryn keri qaıtarǵan.

«Jergilikti kásipkerlerdiń paıdasyna 5 mln. 278 myń teńgeden astam salyq organdarynyń qate eseptelgen salyqtary men basqa da talaptary keri qaıtaryldy. Palataǵa kásipkerlerden 180-ge jýyq ótinish kelip túsken, sonyń ishinde 75-i olardyń quqyqtarynyń qorǵalýyna qatysty bolyp otyr. Jalpy somanyń ishinde 150-ge jýyq ótinish oń sheshimin tapqan, olar boıynsha túsiniktemeler alyndy, másele jabyldy. Oblystyń memlekettik organdaryna 62 hat joldandy, 37 aryz ótinish, apelásıalyq, kasasıalyq jáne qadaǵalaý shaǵymdary, ózge de ótinishter men qoldaýhattar  joldanǵan. Palatanyń sarapshylary 13 sot talqylaýyna qatysyp, onda kásipkerlik sýbektileriniń quqyqtary men zańdy múddelerin qorǵaǵan", - dep atap ótti Mańǵystaý oblysy kásipkerler palatasynyń quqyq máseleleri boıynsha dıretorynyń orynbasary Talǵat Noǵaev.

Sondaı-aq, Noǵaevtyń aıtýynsha, kásipkerlerdiń quqyqtaryn qorǵaý keńesi 3 otyrys ótkizip, kásipkerlerdiń jergilikti atqarýshy organdardyń áreketterine shaǵym bildirgen 16 ótinishin qarastyrǵan. Ákimshilik kedergilerdi tómendetý bóliminiń sarapshylary jergilikti atqarýshy organdarynyń normatıvtik-quqyqtyq aktileriniń (NQA) jobalaryna 59 sarapshylyq qorytyndy daıyndalǵan. NQA-nyń 9 jobasy boıynsha Palata mamandary eskertý jasap, oǵan jergilikti atqarýshy organdar kelisetindikterin bildirdi. 

Derekkózi: QazAqparat