Brússelde NATO Samıti aıaqtaldy. Óte keremet jańalyq! Ýkraına NATO-ǵa múshelikke ótetin boldy!

Osynaý tarıhı sátti kózge elestetýdiń ózi qıyn. "SSSR" taramaı turǵanda mundaıdy oılaýdyń ózi múmkin emes edi. Biz sıaqty azıalyq halyqtar úshin "orys álemi" birtutas bolyp kórinetin. Ýkraındyqtar men belarýster osy orys áleminiń quramdas bóliginiń biri sıaqty bolyp kórinetin. Bular myzǵymaıtyn, ǵasyrlarǵa ulasqan dıktat sıaqty bolatyn.

Oılamaǵan jerden SSSR tarap ketti. Ornynda qalǵan RF da báribir birtutas bolyp kórindi. Olar taramaı bizdiń osy "ekinshi sorttaǵy" halyq sıaqty bolǵanymyz bolǵan dep oılaıtynbyz. Kenet... orystar men ýkraındyqtar arasynda shý shyqty. Sóıtsek... olar da birtutas emes eken, arasynda ǵasyrlarǵa ulasqan kıkiljiń bar eken. Orystardyń ózderi bastamaǵanda ýkraındyqtar ekinshi rólde áli de uzaq júre berer me edi, qaıter edi? Biraq... jatqan jylannyń quıryǵyn ózderi basty.

"Biz týystas, baýyr halyqtarmyz, bizdiń aramyzdan NATO-ǵa múshe bolatyndaı jaý shyǵýy múmkin emes, munyń bári Batystyń jymysqy áreketi" deıdi reseılikter. Alaıda shyndyq, naqty faktiler olaı emes ekenin kórsetip keledi. Imperıalyq shovınızmniń ábden asqynǵan túrimen aýyrǵan reseılikter basqalardy eleýdi qoıǵany belgili boldy. Tek biz sıaqty azıalyqtar ǵana emes, óz týysy, baýyry degen ýkraınalyqtardy da jerin tartyp alyp qyrǵynǵa ushyratyp jatqany eshbir aqtaýǵa kelmeıdi. Mundaı jaǵdaıda árıne, Ýkraına basqalardan kómek suraýǵa májbúr.

Mine, buryn Ýkraınanyń NATO-ǵa múshe bolýy múmkin emesteı bolyp kórinse, endi RF-nyń shekaraǵa áskerlerin tógip, bopsalaýyna ushyraǵan Ýkraına NATO sıaqty alánstyń kómegine júginýge májbúr. Brússeldegi NATO Samıti osyndaı sheshim qabyldady – Ýkraına da Grýzıa sıaqty NATO músheligine is-áreket jospary arqyly ótetin boldy! Biraq bul jospar júzege asý úshin reformalar qajet. Eger taǵy da agresıaǵa ushyraǵysy kelmese, nemese shekarasynda únemi qarsylasynyń áskeri shabýyl qaterin týǵyzyp otyrmas úshin Ýkraına qımyldaýy qajet – tezdetin qajetti reformalardy júzege asyrýy kerek. Endigisi tek Ýkraınanyń ózine ǵana baılanysty.

Qýanysh Edilhantegi

Halyqaralyq sholýshy