Búgin Nur Otan partıasy tóraǵasynyń orynbasary Baýyrjan Baıbektiń azamattyq belsendiler Janbolat Mamaı men Inga Imanbaıdyń ústinen túsirgen talap aryzy boıynsha negizgi sot prosesi bastaldy.

Onlaın otyrysta Baýyrjan Baıbektiń ókili Aıjan Táshenova 1 saǵattan astam ýaqyt sóılep, J. Mamaıdy B.Baıbekti qaralaý úshin Almatyda júrgizilgen barlyq reformalardy túbegeıli joqqa shyǵaryp otyr dep aıyptady. Belsendiniń temir qorshaýlar men bılbordtardy alyp tastaý kezinde qyzmet babyn asyra paıdalandy degen aıyptaýyna jaýap berdi.

Al Janbolat Mamaı tarapy aıyptaýshy tarap zańgeriniń tym uzaq sóılegenin, buǵan sýdıa aralaspaı otyrǵanyn aıtyp, sýdıany aýystyrýdy surady. Sondaı-aq ol proseske tikeleı jáne janama túrde qatysy bolǵan soń Baýyrjan Baıbek pen onyń týystaryn qatystyrýdy surady. Alaıda onyń ótinishterin sýdıa qanaǵattandyrmady.

Artynsha Janbolat Mamaı erteń, 15 maýsym kúni 9:30-da Baýyrjan Baıbek talap aryzy boıynsha sot talaby jarıalanatynyn, 12:00-de sot qorytyndysy boıynsha pres-konferensıa ótetinin málim etti.