Memleket basshysy Atyraý oblysyna jasaǵan sapary barysynda QR Munaı jáne gaz mınıstri Saýat Myńbaevtyń alǵysqa toly baıandamasyn úzip jiberip, taqyrypty munaı jáne gaz salasyndaǵy ózekti máseleler men óńirdegi júzege asyrylyp jatqan jobalarǵa burdy. Bul týraly «Qamshy» portaly Today.kz-ke silteme jasaı otyryp habarlaıdy.
Óz baıandamasynda munaı jáne gaz mınıstri, QMG AQ basqarma tórǵasy qazirgi baǵa kýrsy ulttyq kompanıalardyń qarjylyq turaqtylyǵyna aıtarlyqtaı áser etkenin aıta kele, Elbasy Nursultan Ábishulyna transh túrindegi kómek retinde bólingen 2,7 mıllıard dollar úshin alǵys aıtqan bolatyn.
«Seniń barlyq baıandamań alǵys aıtýmen shekteletin boldy. Birese bılikke, birese ... Odan da qazirgi jaǵdaıdy aıt. Investorlarmen qalaı jumys jasap jatyrsyńdar? Shevronnyń damý máseleleri ne bolyp jatyr? Qashaǵanmen ne boldy?»,-dep Memleket basshysy náýmıez mınıstrdiń mysyn basyp tastady.
«Men tek áleýmettik mańyzdylary jóninde aıtqym kelgen… “Teńiz Shevroıl” týraly aıtar bolsam, bolashaq damytý jobalary 38 mlrd dollarǵa shyqty. Sodan soń, qazirgi jaǵdaıda barlyq merdigerlermen búdjetti qysqartý týraly kelissóz júrgizý týraly sheshim qabyldandy. Jumys kelesi jyldyń mamyrynan bastalady dep kútilýde. TSHO aksıonerleri joba iske asady dep sendirdi», – dedi Myńbaev myrza.
Osydan keıin Elbasy mınıstr Myńbaevqa naqty tapsyrmalardy tizip berdi.
«Mine, «QazMunaıGaz», bılik jáne mınıstrlik TSHO-men birlesip osy jumystardy atqarý kerek jáne óte jaqyn arada qolǵa alynsyn!», – dep atap ótti Elbasy.
Al, Saýat myrza Memleket basshysyna QMG jumysyn tanystyra otyryp, Qashaǵandaǵy apatty jaǵdaıdaǵy qubyr jelilerin dánekerleý jumystary tolyq júrgizilip jatqanyn jáne dánekerleý jumystary 2016 jyldyń qyrkúıek-qazan aılarynda aıaqtalatynyn, al komersıalyq tabys kelesi jyldyń aıaǵynan bastap túse bastaıtynyn aıtty.
Sonymen qatar, elbasy Soltústik - Kaspıı jobasy boıynsha aksıonerlerdiń shaǵymyn aıtty.
«Men Eni basshylyǵymen sóılestim. Olar bizde kelisimniń joqtyǵyn aıtty. Barlyǵyn biriktiretin organ joq eken. Muny ne bılik, nemese «Qashaǵan» aksıonerleriniń biri retinde QMG atqarý kerek. Vladımır Sergeevıch (energetıka mınıstri Vladımır Shkolınık ), munymen aınalysatyn sen emes pe?» , – dedi prezıdent.
Vladımır Shkolnık kompanıalar men organdardyń bir maqsat úshin jumys isteıtinine sendirdi.
Nurzat Toǵjan
