Reseı Federasıasy úkimeti Ýkraına memleketinen kógildir otynǵa jumsalǵan  qaryzyn qaıtarýdy talap etken.  Bul týraly keshe RF úkimetiniń resmı saıtynda aqparat tarady. Bul týraly «Qamshy» portaly Tengrinews.kz-ke silteme jasaı otyryp habarlaıdy.

«Ýkraınaǵa keler bolsaq, Reseıdiń pozısıasy burynǵydaı bolyp qala beredi. Ýkraına 2013 jyldan bergi jınalyp qalǵan qaryzyn tolyq jáne ýaqytynda qaıtarýy tıis.»,-delingen resmı hatta.

Sondaı-aq,hatta debıtorlarǵa Reseıge qaryzdy dál qazirgi ýaqytta qaıtarý tıimdirek bolar edi. Óıtkeni dál osy mindettemelerge qatysty defolt Ýkraına úshin óte qymbatqa túspek. Áıtpegende tek keshiktirilgen somadan ózge paıyzdyq aıyppuldy qosa tóleýge týra keledi, dep eskertilgen.

Eskerte keterlik jáıt, Reseı úkimetiniń mundaı málimdeme jasaýyna Ýkraına premer-mınıstri Arsenıa Iasenúkanyń qaryzdyń bir bóligin kesip tastaýdy talap etken haty sebep bolǵan.