Endigi jerde salyǵy men qaryzyn tólemegen almatylyq avtokólik ıeleri kólikterinen aıyrylatyn bolady. Sebebi megapolıs búdjetine salyqty der kezinde tólemegen avtokólik ıeleriniń kesirinen 4 mıllıard teńgege jýyq shyǵyn kelgen.
Sony eskergen, Almaty qalalyq memlekettik kiris basqarmasy sońǵy sharany qolǵa alýǵa kirisken. Bul týraly «Qamshy» portaly today.kz-ke silteme jasaı otyryp habarlaıdy.
Jergilikti ákimshilik basqarmanyń engizgen jańa talabynyń alǵashqy jazalanýshysy qala turǵyny Iýlıa Ozer esimdi kólik júrgizýshisi. Qymbat sheteldik kóliktiń ıesi memleketke 650 myń teńge kóleminde salyq tólemegen. Saldarynan kóligi aıyp turaǵyna jetkizilgen. Keıin anyqtalǵandaı kólik ıesi 2012 jyldan beri qaraı salyq tólemegen bolyp shyqty. Iýlıa sekildi taǵy 26 myń kólik júrgizýshisi der kezinde salyq tólemegenderdiń tizimine qosylǵan. Olardyń memleketke qaryzy 3 mıllıard 700 mıllıon teńgeni qurap otyr.
«Jyl basynan beri qaraı memlekettik sot oryndaýshylarymen birlesip júrgezgen jumystyń nátıjesinde memleket qazynasyna bir mıllıard teńgeden astam qaryz qaıtaryldy. Ol 7000 avtokólik júrgizýshisiniń salyqtan jaltarǵan qaryzy ǵana»,-deıdi Almaty qalalyq memlekettik qyzmet basqarmasynyń jetekshisi Oryngúl Qazıeva.
