Qazaqstan qor bırjasynyń eks-prezıdenti Azamat Joldasbekov óziniń Faccebooktegi paraqshasynda QR Ulttyq bankiniń valúta naryǵyndaǵy belsendi qatysýshylardy atap kórsetýine baılanysty óz oıyn bildirdi.
“ Keshegi valúta naryǵyndaǵy qatysýshylar týraly aqparatty ashyq túrde jarıa etýdiń mánin túsine almadym. Birinshiden , qos taraptyń bırja kelisimi – komersıalyq qupıa bolyp sanalady. Ol qupıany jaıyp salý- KASE erejeleri men zańdy buzý bolyp esepteledi. Ekinshiden, valútany satyp alý - naryqtaǵy qatysýshynyń jeke (komersıalyq) jumysy.Qandaı kýrspen satyp alamyn dese de, ózi biledi.Sonda onyń kinási nede? Eger satylym týraly keńeıtilgen aqparat taratylatyn bolsa, onda ortalyq banktyń shetel valútasy men qarjy quraldaryna qatysty málimeti úlken mańyzǵa ıe ”, -dep jazdy Azamat Joldasbekov.
Keshe Ulttyq bank KASE boıynsha valúta saýdasymen aınalysatyn bankterdi halyqqa málimdegen edi. Halyq banki men QAZAQ BANKI jáne Altyn bank alǵashqy kóshti bastap turǵan bolatyn.
Degenmen, Ulttyq banktyń bul áreketine Halyq bank qarsylyq nyshandaryn tanytyp úlgerdi. Bul týraly «Qamshy» portaly jańalyqtar aıdarynda jazdy. Halyq banky joldanǵan aqparattyń saýatty ári naqty bolýyn Ulttyq banktan talap etti. Qazir dollar baǵamy birshama (1 dollar -270, 11 teńge turady) tómendedi. Alaıda, ekonomıkalyq úrdiske bıliktiń tegeýrin kórsetýin árkim san-saqqa júgirtip talqylap jatyr. Qalaı bolǵanda da, teńgeniń az ýaqytqa bolsa da bir baǵamǵa turaqtaýy úshin biz taǵy da qarajat sarp ettik. Valútanyń abyroıyn ishki naryqta retteı almaǵandyqtan, qarajat jumsap saqtap qolýǵa tyrystyq. Barlyǵyn aqsha sheshedi. Tipti aqshanyń aqsha bolyp abyroı tabýyna da aqsha kerek.
Aınur Tóleý
