Endi qazaqstandyq sheneýnikterge «maıly kreslolary úshin» sheteldik áriptesterimen talasatyn kún alys emes sıaqty. Kshe QR parlamentiniń tómengi palatasynyń kezekti otyrysynda «memlekettik qyzmet pen úkimetke sheteldik mamandardy tartý» týraly zań jobasy bir aýyzdan maquldanǵan. Bul týraly «Qamshy» portaly «Astana» arnasyna silteme jasaı otyryp habarlaıdy.
QR Memlekettik qyzmetter jáne jemqorlyqqa qarsy kúres agenttiginiń tóraǵasy Qaırat Qojamjarov myrza májiliste málimdegen. Qojamjarovtyń aıtýynsha, sońǵy sheshimdi ulttyq komısıa qabyldaıtyn bolady.
«Mıster mınıstr» nemese «mer-ákim». Kelemejdegenimiz emes, biraq óte jaqyn arada bul qazaqstandyq saıasattaǵy realdy ataýǵa aınalýy bek múmkin. Al, post-keńestik memleketterde bul júıe tájirbıeden ótken. Mysaly, Grýzıanyń eks-prezıdenti Mıhael Saakashvılı Ýkraına bıligi mer etip taǵaıyndaǵanyn bilesizder. Qazaqstan respýblıkasy memlekettik qyzmetter jáne jemqorlyqqa qarsy kúres agenttiginiń tóraǵasy usynǵan bul usynysty májilis tolyq qurammen, bir aýyzdan maquldaǵan. Sonda qalaı? Endigi jerde «Otan úshin», Qazaqstannyń bolashaǵy úshin degen jalańbaı syltaýmen bılik basyna shetel azamattaryn taǵaıyndaı beremiz be?
Qaırat Qojamjarov, QR Memlekettik qyzmetter jáne jemqorlyqqa qarsy kúres agenttiginiń tóraǵasy:
-Biz shetel azamattyryn memlekettik qyzmetterge jáne úkimetke qabyldaýdy uıǵardyq. Alaıda, naqty kimder qabyldanady, qandaı talaptar qoıylatynyn ulttyq komısıa sheshetin bolady. Sonymen qatar, memlekettik qyzmet qurylymyna jaǵa model engiziletin bolady. Endigi jerde qandaı da bir joǵary laýazymdy qyzmetke qabyldanýy úshin «úmitker» belgili bir merzim ishinde eń tómengi qyzmetterdi atqarýy tıis bolady. Mysaly, bir basqarmany basqarý úshin «úmitker» 3 jyl boıy qarapaıym maman bolyp jumys isteý kerek. Sosyn baryp kelesi deńgeıge ótedi. Al kelesi deńgeı mysaly – bólim meńgerýshisi degen sıaqty.
Al dál osyndaı mansap ıerarhıasy «sheteldik sheneýnikterge» de mindetteledi me, ony Qojamjarov myrza ashyp aıtpady. Ázirge belgilisi, álemdik tájirbıeler kórsetkendeı shetelden arnaıy shaqyrtqan mamandar tek joǵary laýazymdarǵa ǵana taǵaıyndalady. Eýropalyq presedent: Dál osyndaı zań jobasy byltyr Chehıada qabyldanǵan. Al 2015 jyldyń mamyr aıynda Ýkraınada Odesso oblysynyń gýbernatory bolyp Grýzıanyń eks-prezıdenti saılanǵan.
Túıin: Qojamjarov myrzanyń bul jolǵy usynysanan túıgenimiz de, túıtkilge túırep ótkenimiz de osy bolmaq, sirá! Qazaqstanda tájirbıesi men biliktiligi bir basyna jetip artylarlyq mamandar turǵan kezde bul neǵylǵan «novshestvo»? Jaqsy, demogogıaǵa dendep alǵan, garantıkalyq júıege jatyq bas shulǵyǵysh mınıstrler men pármensiz parlamentti, jaǵympaz basshylardy taqtan taıdyrýdyń bir joly bolsa – memleketten stependıa taǵaıyndap, arnaıy «Bolashaq» baǵdarlamasymen shetelde oqytyp, sol jaqtyń tájirbıesin jınaqtatyp kelgen jas mamandar qaıda qalady? Onsyz da qazaqstandyq ortada «Bolashaqtyń bolashaǵy joq pa» degen kúńkil kóbeıip bara jatqany ótirik emes. Áıtpese, olardyń boıynda – ultty súıetin, ultqa qyzmet etetin ustanym joq bolǵany ma?
Árıne májilistiń maqulaýynan ótken zań jobasy anaý-mynaý emes, «shuǵyl qabyldanýy tıis» usynystardyń qataryna qosylǵan eken, demek, jaqyn arada bul «realǵa» aınalady degen sóz. Muhıttyń arǵy jaǵynan mamandar keledi dep úmittenýdiń dalbasa ekeni túsinikti. «Aqsaqal bılik» pen úkimet úshin qazirgi tańda strategıalyq jaǵynan eń qolaıly shetel – Reseı Federasıasy. Demek kadr da sol jaqtan keledi degen sóz. Endeshe egemen kúnde el bıligin taǵy da reseılik «vatnık» saıasatkerlerdiń qolyna berip qoıamyz ba? Bul Táýelsizdigimizdi qoldan bere salýdyń taǵy bir kezekti "kreatıvti" tásili me, sonda? Arǵy jaǵyn ózińiz oılaı berińiz!
Nurgeldi Ábdiǵanıuly
«Qamshy» silteıdi
m
