Keshe Qazaqstan prezıdenti Nursultan Nazarbaev Astanada quramyna memleket qaıratkerleri men Nobel syılyǵynań laýraettary kiretin álem  Aqsaqaldastary alqasymen kezdesti. Bul týraly «Qamshy» portaly today.kz saıtyna silteme jasaı otyryp habarlaıdy.

Astanadaǵy kezdesýge Izraıldiń eks-prezıdenti Shımon Peres, Polshanyń eks-prezıdenti Leh Valensa, Kolýmbıanyń eks-prezıdenti S.Trýhılo, Ispanıanyń eks-premer-mınıstri H.Sapatero jáne MAGATE-nyń eks-bas dırektory M.Ál-Baradeı myrzalar kelgen.

Sharaǵa qatysýshylar álemdik saıasattaǵy ózekti máselelerdi, kún tártibindegi ekonomıkalyq túıtkilder men halyqaralyq qaýipsizdik máselelerin talqylady. Osy rette álemdegi oryn alyp jatqan qarýly qaqtyǵystarǵa qatysty Qazaqstannyń álemdik saıasattaǵy jáne halyqaralyq qaýymdastyqtaǵy róli sóz boldy.

Sonymen qatar, álemdik daǵdarystyq ekonomıka  kezeńindegi Qazaqstannyń qadamdary  týraly aıtylǵan.

Óz kezginde Qazaqstan prezıdenti Nursultan Nazarbaev Qazaqstannyń Táýelsizdik jyldary jetken jetistikterin atap ótti.

«Bizdiń Táýelsizdik alǵan alǵashqy jaldardan bastap ómir súrý úshin kúresimiz bastalǵan. Sebebi onyń bolashaǵy bulyńǵyr edi.  Al biz aıaqqa nyq turý úshin túrli qadamdar jasadyq. Mysaly, sosıalısik ekonomıkadan naryqtyq relske túsý qıynǵa soqqanymen, biz muny da eńserdik. Prıvatızasıa júrgizilgen úsh jyldyń ishinde Ortalyq Azıadaǵy eń iri ınvestorlardy tarta bildik. Búginde Qazaqstan básekege qabiletti 50 damyǵan memlekettiń qatyrany kiredi jáne eń iri ınvestısıa qory saqtalǵan 20 memlekettiń biri»,-dedi Memleket basshysy.