Ulttyq banktiń jyl saıynǵy  áreketterin ekonomıs Oraz Jandosov synǵa aldy. Bul týraly «Qamshy» portaly KazTAG-qa silteme jasaı otyryp habarlaıdy.

«Teńge baǵamyna keler bolsaq Ulttyq banktiń ótken jyldyń kúzinen beri istep kelgen «aqymaqtyqtary» adamǵa aıdan anyq bolǵany sonshalyq, ony talyqlap jatýdyń da qajeti joq. Bizdiń qazaqstandyqtar men bıznes ókilderi kóbine qarjy-nesıelik saıasat júrgizetin organnyń aqylǵa qonymsyz áreketterine qynjylady», – deıdi Jandosov Kazakhstan growth forum jıyny barysynda.

Onyń aıtýynsha, tıanaqtalǵan baǵamnan góri tolyqtaı “erkine jiberilgen” baǵam áldeqaıda tıimdi.

«Eń bastysy mundaı “erkine” jiberilgen baǵam túsinikti bolýy qajet. Kem degende bıznesmender túsine bilýi tıis. Bul oraıda Ulttyq banktiń qarjylyq-nesıelik saıasaty qısyndy», – deıdi Oraz Jandosov.

Budan ózge maman Ulttyq bankti qarjylyq-nesıelik saıasat organy dep qarastyryp, bank júıesi men ózge qarjylyq ınstıtýttardy retteıtin organdardy bólek qoıý qajet dep sanaıdy.

«Atalmysh eki fýnksıalardyń arasynda kelispeýshilikter baryna osy aılarda kózimiz jetti», – dep túıindedi óz sózin ekonomıs.