Dárigerlerdiń halyqaralyq ujymy Eýropanyń eń «semiz» jáne eń «symbatty» ulttaryn atady. Avtorlar zertteýleriniń nátıjelerin Nature Genetics jýrnalynda jarıalady. Bul týraly "Qamshy" portaly "QazAqparatqa" silteme jasaı otyryp habarlaıdy.

Dárigerler óz jumysynda Eýropadaǵy 14 elde turatyn shamamen 250 myń adam, sondaı-aq 17,5 myń týystyq jup boıynsha málimetterdi taldaǵan. Zertteý qandaı da bir ult ókiliniń ortasha boıy neǵurlym tómen bolsa, onyń ókilderi soǵurlym aryq jáne dene bitiminiń ındeksi (DMI) az.

Sońǵysy dene salmaǵyna (kelimen ólshegende) boıynyń uzyndyǵyna  (metrmen ólshegende) sáıkes belgilenip, artyq salmaqty anyqtaıdy. Mysaly, deneniń salmaǵy 67 keli jáne boıy 1,7 metr bolǵan jaǵdaıda, DMI 23-ke teń.

Skandınavıa elderi – Norvegıa, Shvesıa jáne Danıa turǵyndarynyń boılary eń uzyn jáne symbatty bolyp tanylsa, eń semiz jáne boılary tapaldar ıspandyqtar, ıtalándyqtar, portýgaldyqtar jáne grekter bolyp shyqty.

Fransýzdar men brıtandyqtar ortasha pozısıalarda turaqtady.