Iakýtıanyń Ǵylym Akademıasy Jer betinde 100 myńnan astam jyl buryn tirshilik etken mamonttyń arǵy teginiń qańqalary tabylǵany týraly habarlady. Bul týraly "Qamshy" portaly QazAqparatqa silteme jasaı otyryp habarlaıdy.

Iakýtsk qalasynan 30 shaqyrym jerde anyqtalǵan qaldyqtar Reseı aýmaǵynda buryn-sońdy tabylǵan  kóne janýarlar túriniń eń tolyq qańqasy boldy.

RIA Novostı-diń naqtylaýynsha, másele Trogonterıı piliniń súıekteri týraly bolyp otyr. Osyndaı janýarlar ǵalamsharda orta pleıstosen kezeńinde tirshilik etken. Súıekterdi jergilikti turǵyndar tapty.

«Qazirdiń ózinde-aq onyń jasy shamamen 45-tegi, onsha iri emes atalyq  bolǵanyn aıtýǵa bolady. Qańqanyń bıiktigi - úsh metrden sál asady. Onyń azý tisteri óte úlken, dıametri shamamen 18 sm. Azýynyń árqaısysynyń salmaǵy 75 keliden», - dep jazady Saha Respýblıkasy Ǵylym Akademıasyna silteme jasaǵan agenttik.