Qytaıdyń Úrimji qalasynda eski bas súıekter kórmesinen keıin qytaılyq sarapshylar arasynda qyzý pikir-talas týyndaǵan.  Kórmege qoıylǵan 68 bas súıek ekspozısıasynyń barlyǵynyń mańdaı tusyndaǵy tesikshe - «úshinshi kóz» dep atalǵanymen, arheologtardyń pikiri ekige jarylǵan. Bul týraly «Qamshy» portaly Vesti.ru saıtyna silteme jasaı otyryp habarlaıdy.

Barlyq bas súıekter 1986-1989 jyldary Shyńjań qalasyndaǵy qazba jumystary kezinde tabylǵan. Shamamen bul súıekterdiń jasy 2200-2800 jyldy quraıdy.

Al qytaılyq ǵalymdar krımınalısterdiń kómegine júginýdi jón kórgen. Arnaıy mamandar zertteý nysany retinde usynylǵan bas súıekterdegi belgisiz tesiktiń qaıdan paıda bolǵandyǵyn anyqtaýda.

Al ázirge arheologtardyń bir bóligi bul jaryqshaqtar jaýgershilik zamandaǵy áskerlerdiń shaıqasta alǵan jaraqaty bolýy múmkin dep tanyǵan. Al taǵy bir top ǵalymdar bul hırýrgıalyq áreketterdiń nátıjesi dep esepteıdi.

«Ǵalymdar  ejelgi tıbet monahtary adamnyń úshinshi kózin shyǵarý úshin  tirideı bas súıekti oıyp alatyn bolǵan», - deıdi.