Jaqynda sýretshi Qanat Ibragımov pen saıası emıgrant Serikjan Mámbetalınder QR premer-mınıstriniń otstavkaǵa ketýin talap etip, Elbasy Nursultan Ábishuly Nazarbaevtyń atyna petısıa joldaǵan (http://tribunakz.com/politics/102-kanat-ibragimov-i-serikzhan-mambetalin-trebuyut-otstavki-masimova.html).

«Biz qatardaǵy qazaqstandyqtar – premer-mınıstr myrzanyń otstavkaǵa ketýin talap etemiz. Óıtkeni, bizdiń Qazaqstannyń áleýmettik-saıası quldyraýyna sebepker de sol kisi. Sońǵy devalvasıa, janarmaı baǵasynyń qymbattaýy, azyq-túlik jáne taýar baǵalarynyń qymbattaýy sonyń jarqyn kórinisi. Eger máseleni sheshýge túk qaýqarsyz bolsa – Úkimettiń ne keregi bar? Kerisinshe bizdiń úkimet sol problemalardy ózderi jasap berip otyr ǵoı», deıdi belsendiler.

 Aıta keteıik, 2008 jyly da alaıaqtarǵa aldanǵan salymshylar premer-mınıstr Kárim Másimovtiń otstavkaǵa ketýin talap etken bolatyn(http://rus.azattyq.mobi/a/article/1187522.html).  Odan keıin «Rýh pen Til» jastar birlestiginiń uıymdastyrýymen 8 myńnan astam stýdent Kárim Qajymuqanulyn otstavkaǵa jiberýgi surap, alańǵa shyqqan (http://www.titus.kz/print.php?id=25596). Alaıda , bul talpynystardyń barlyǵy derlik nátıjesiz bolǵan.

Endeshe, 2007 jyldan bastap premer-mınıstr qyzmetin atqaryp kele jatqan Másimov myrzanyń premerliktegi atqarǵan sharýalaryn bir sholyp shyǵaıyqshy?  Asa qurmetti premer mınıstr myrza ne bitiripti, neni bitirýge ýaqyty jetpeı qalypty?

1. Devalvasıa (http://qamshy.kz/home/show/969). Qatarynan birneshe márte halyqty aldap soqqan Úkimet devalvasıa bolmaıdy dep qansha jerden halyqty sendirgenimen olar senimnen shyqqaly qashan?! Sońǵy devalvasıadan qarasha halyq 50 paıyz shyǵynǵa batty. Júdep, bitti. Iá, Másimov myrzanyń arqasynda halyq pen bıliktiń arasy alshaqtaı tústi (http://qamshy.kz/home/show/986).
2. Qazaqstan munaıyn baıǵustyń aýzyn jyryp, baıdyń aýzyna salyp berýden jalyqpady(http://qamshy.kz/home/show/1455).
3. Qara maıdyń arqasynda úzdik otyzdyqqa kiremiz dep daýryǵyp júrgenimizde álemdegi eń kedeı elderdiń qatarynan biraq shyqtyq (http://qamshy.kz/home/show/1312).
4. Ras, halyq «arzandady» degen sózdi estýden kúderi úzilgen. Estıtin tek «qambattady». Jylý júıesi ótken jylǵylarmen salystyrǵanda 53,27 teńgeden 111,15 teńgege deıin qymbattaǵan.
5. Komýnaldyq qyzmetke tólenetin tólemaqy  1 kvt elektr qýaty úshin  15,4 teńgege ósken.
6. 1 tekshe metr ystyq sý – 35,3 teńgege kóterilgen.
7. 1 tekshe mertr gaz úshin burynǵydaı 652,8 teńge emes, 744 teńge tóleıtin kúnge jetkenbiz.
8. Aıtpaqshy, mekteptegi bir mezgil beriletin tegin tamaqtyń ózin kóp kórip, «Satyp ishsin!» degen Úkimettegi shendiler emes pe?! «Sodan túsken qarjyny múgekdek balalarǵa aýdaramyz» depti.  Endeshe Úkimet ózderine ózderi qaıshy kelip otyrǵan joq pa? Sonda ekonomıkalyq áleýetimiz sonshalyqty bıshara hálge túskeni me? Kómekteskish bolsańyzdar, Semeı polıgonynan zardap shekkenderdi jarylqamaq bolyp «Nevada-Semeı» qozǵalysynyń arnaýly qoryna qyrýar aqsha jınap alyp, sony bólisýmen baıyǵan Mashkevıch, Shodıevterdi nege jekpeıdi? Mıttal, Kım, Ótemuratov, Qulybaevtar she?(Ǵabbas Qabyshulynyń sózi)
9. Bizdegi qalyptasqan demogogtyq júıe boıynsha Qazaqstandaǵy kez-kelgen zańyńyz Másimov maquldamasa quny kók tıyn ekenin bilesizder. Endeshe Elbasynyń tapsyrmasyn oryndaýǵa qulyqtylyq tanytpaı, Qazaq Kóshiniń tuıaǵyna tusaý salyp otyrǵan da osy Úkimet emes pe?
10. Al memleketimizdiń tuǵyrly toıy, aıtýshy data – Qazaq handyǵynyń 550 jyldyǵyna da qarjy bólmeı, «Qazaq eli» serıalynyń túsirilimin toqtatyp qoıǵan kim?  Árıne,Úkimet!

Túıin: Oqıtyn kóz, uǵatyn zeıin shamaly myna zamanda Qazaqstannyń Másimov myrza tizginin ustap otyrǵan Úkimetti on jerden synasań da, ońdyryp jatqyn túgi joqtyǵyna etimiz úırenip ketse kerek-ti. Iá,  osy jolǵy sózim sál-pál qatańyraq, emosıonaldy kórinýi múmkin. Desede, hanyna sen dep sóılegen qazaqtyń urpaǵy bolǵandyqtan sypaıylyqqa salynyp, syzylmaǵandy jón kórdim.  Ras, maǵan deıin myń márte qaıtalansa da, Másimov myrza devalvasıadan degbiri qashqan bul qazaqtyń shydamyn taýysqany jasyryn emes.

Nurgeldi Ábdiǵanıuly