Almaty kúni aıasynda QR Tuńǵysh Prezıdentiniń saıabaǵynda uıymdastyrylǵan Apple Fest sharasyna óńirdegi aýylsharýashylyq ókilderi 100 tonnaǵa jýyq alma ákelgen. Bul týraly «Qamshy» portaly habarlaıdy
«4 aýdannan jeke qojalyqtar alma ákeldi. Olar: Qarasaı aýdany, Eńbekshiqazaq aýdany, Uıǵyr aýdany jáne Talǵar aýdandary. Bul sharaǵa 36 sharýa qojalyǵy qatysty. Olar almanyń 20-dan astam sortynan 100 tonnaǵa jýyq ákelgen. Bul jerde baǵa kúndelikti bazar baǵasynan áldeqaıda tómen. Bir kelisin 180-250 teńge arasynda satyp alýlaryńyzǵa bolady. Ónimder ekologıalyq taza, tabıǵı»,-deıdi Almaty qalalyq aýylsharýashylyǵy basqarmasy ókili Qanat Kaken.
