Jaqynda RF prezıdenti Vladımır Pýtın Reseıdiń Sırıadaǵy ıslamısterge qarsy soǵysqa qatysatyny nemese qatyspaıtyny belgisiz dep málimdegen. Bul týraly «Qamshy» portaly TASS-qa silteme jasaı otyryp habarlaıdy.
Vladımır Pýtın, RF prezıdenti:
-Biz dál qazirgi tańda osy máseleni jan-jaqty talqylaýdamyz. Reseı áskeri Sırıadaǵy ISHIM sodyrlaryna qarsy soǵysqa qatysýy týraly naqty sheshimder qabyldanǵan joq. Biz kún tártibine Sırıa bıligimen kelissózder júrgizýdi josparlap otyrmyz. Ras, biz soǵysqa tas-túıin daıynbyz. Degenmen, bul týraly áńgime qozǵaýǵa erterek. Sondaı-aq, biz qazirgi kúnniń ózinde Sırıa bıligin qajetti áskerı tehnıkalarmen, qarý-jaraqtarmen qamtamasyz etýdemiz. Tipti, AQSH áýe kúshteri ISHIM bazalaryn áýeden soqqylaǵanymen, qarsylyq azaımaı tur. Mysaly, ISHIM baqylaýyndaǵy aımaqtarda ilgerileý degen atymen umytylǵan. Onda adamdar qalaı ómir súredi. Ómir súre almaıdy, sondyqtan ol jaqtan qashady.Olar (terrorıster) júz myńdaǵan beıbit adamdy aıaýsyz qyrýda, tarıhı eskertkishterdi qıratyp, damdardy tirileı órteýde nemese sýǵa batyryp jiberýde. Ol jerde qalaı ómir súrýge bolady?
Sırıadaǵy sodyrlarǵa qarsy soǵysta memlekettik áskerdi qarý-jaraqpen qamtamasyz etý týraly sóz ete otyryp, Sırıa men Reseı arasyndaǵy 7 jyl buryn qol qoıylǵan kelisim negizinde RF áskeri azat etý operasıalaryna qatysýy múmkin ekendigin aıtqan (http://www.rbc.ru/rbcfreenews/55e919df9a79471ef1c29154).
Al, prezıdenttiń bul sózinen keıin myńdaǵan máskeýlik Pýtın men Úkimettiń otstavkaǵa ketýin talap etip, sherýge shyqqan(http://rusnsn.info/protesty/v-moskve-sostoyalsya-miting-za-otstavku-putina.html). Orys ultshyldarynyń bul bastamasyn «Ult jáne bostandyq» komıteti men RF «Památ» qoǵamdyq birlestigi de qoldaǵan. Sherýshilerdiń basty talaptary:
- prezıdent Vladımer Pýtınniń otstavkasy
- bılik basyndaǵy «Edınaıa Rossıa» partıasy men bıliktik partıalardyń otstavkasy
- Sóz bostandyǵyna shekteý qoıylmaýyn qamtamasyz etý
- Sırıadaǵy soǵysqa qarsymyz
-Bılik qýdalaýyna túsken saıası tutqyndardy bosatý jáne saıası ólimderge kinálilerdi jazalaý. Sondaı-aq, Reseılik dıssıdent Borıs Nemsovtyń qazasyna kinálilerdi anyqtaý!
Al, ortalyq alańnan sóz sóılegen reseılik ultshyl-demokrat Vladımır Mılov sherýshilerdi pýtındik «rejımge» aıaǵyna deıin qarsy turýǵa shaqyrǵan.
The Times basylymynyń habarlaýynsha, 16 qyrkúıek kúngi reportaj barysynda Sırıanyń Latakıa shaharyndaǵy sodyrlar men áskerıler arasyndaǵy soǵysta reseılikterdiń júrgeni anyq kóringen. Kadr syrtynda reseılik komandırdiń orys tilinde buıryq berip turǵany da estilgen.
Al, Izraıl premer-mınıstri Netanıagý Sırıadaǵy tankilerge qatysty Vladımır Pýtınniń túsindirme berýin talap etken. Tipti, premer myrza osy úshin arnaıy Máskeýge ushyp kelmek nıetti ekenin jetkizgen. Ondaǵy maqsat – Reseıdiń ne úshin Sırıaǵa óz áskerin jibergenin naqtylaý jáne Reseı Izraılge qarsy soǵys ashpaq pa, sony anyqtaý (http://v7v7v7.com/2015/09/20/izrail-trebuet-ot-putina-obyasneniy/).
Pýtınniń bul jolǵy sheshimin RF quramyndaǵy Sheshenstan Respýblıkasynyń prezıdenti Ramzan Qadyrov ta qoldap otyr. Tipti Ramzan Ahmaduly ISHIM-ge qarsy soǵysqa qatysýdy armandaıtynyn jetkizgen (http://www.rg.ru/2015/07/30/reg-skfo/voina-anons.html).
Al, keshe Túrkıanyń Ystambul qalasynda antıterrorlyq áreketterge qarsy 100 myńnan astam beıbit turǵyn sherýge shyqqan. Sherýge Túrkıa prezıdenti Rejep Taıyp Erdoǵan myrza da qatysqan (http://news.allinfo.kz/world/1769908/). Ystambul ortalyǵynda sóılegen sózinde túrik prezıdenti Rejep Taıyp Erdoǵan memlekettegi terrorlyq uıymdardyń basynda «Kúrdistan» partıasynyń turǵanyn atap ótken.
Túıin:
- Joǵarydaǵy oqıǵalardy qorytyndylaı kele túıerimiz- Reseı men Izraıl arasy sýyıtyn bolsa, Reseı Federasıasynyń eń jaqyn strategıalyq seriktesi retinde Qazaqstan óziniń qarýly kúshterin járdemge jibere me?
- Osy ýaqytqa deıin aýyq-aýyq bas kóterip turatyn orys opozısıasy bas kótere bastaǵan. Reseı men Qazaqstan saıası qurylymy egiz memleketter sanalatyny belgili. Demek, bul post-keńestik júıeden shyqqan respýblıkalardaǵy qazirgi bıliktiń álsireı bastaǵanyn kórsete me? Reseı demokrattary atqa qondy. Al Qazaqstandaǵy belsendiler qaıtpek?
Nurgeldi Ábdiǵanıuly
«Qamshy» portaly
