Ulyq mereke -Qurban aıtqa birer kún qaldy. Osyǵan oraı bas múftı áleýmettik jeli paıdalanatyn musylmandarǵa soıylǵan maldyń qasynda turyp selfı jasamaýyn ótindi. Bul týraly «Qamshy» portaly  KTK arnasyna silteme jasaı otyryp habarlaıdy.

Esterińizde bolsa, byltyrǵy Qurban aıt merkesinde soıylǵan maldyń janynda sýretke túsken juldyzdardy áleýmettik jeli paıdalanýshylary qatty synaǵan bolatyn. Dinı basqarma osy syndy eskere otyryp, bıyl erterek eskertý jasap jatsa kerek.

“ Musylmannyń istep jatqan ıgi amaly maqtan úshin bolmaýy kerek. Beınetaspaǵa túsirip, elge kórsetkeni -maqtan úshin bolyp ketedi. Siz bireýge sadaqa berseńiz de, oń qolyńyz bilse, sol qolyńyz bilmeýi kerek”, – deıdi  bas múftı Erjan qajy Malǵajuly.

Musylmandar qaperine:

Bıyl aıt namazy Almaty jurty úshin tańǵy 7:30 oqylady. Astanalyqtar namazdy 7:45-te bastaıdy. Qazirdiń ózinde  qurbandyq shalý úshin bul eki shaharda  mal soıatyn 29 arnaıy oryn daıyndalǵan. Tipti qasapshylarǵa deıin trenıńter ótkizilip, maldy musylmandyq jolmen soıý erejeleri túsindirilip jatyr eken.

Múftıat mal baǵasyn da kásipkerlermen kelisip qoıypty. Iaǵnı, Qurban aıtta satylatyn qoıdyń baǵasy 30 myńnan aspaýy tıis.

Qurbandyqqa bir jasar qoı, eki jasar sıyr, bes jasar túıe shalynady. Soıylatyn mal aryq, aqsaq, soqyr, shunaq bolmaýy tıis.

Aınur Tóleý

 «Qamshy» silteıdi