Elbasy  Nursultan Nazarbaev  keshe Rýanda prezıdenti Pol Kagamemen kezdesti. Bul týraly «Qamshy» portaly Tengrinews.kz-ke silteme jasaı otyryp habarlaıdy.

Kezdesý barysynda ekijaqty saýda-ekonomıkalyq yntymaqtastyqty damytý máseleleri talqylandy. Nazarbaev eki eldiń bir-birinen alshaq jatqanyna qaramastan, ózara yqpaldastyqty jolǵa qoıý mańyzdy ekenin aıtty.

"Biz, salystyrmaly túrde alsaq, Afrıka memleketterimen endi ǵana qarym-qatynas ornatyp jatqan jas el bolyp sanalamyz", - dedi Nursultan Nazarbaev. Memleket basshysy Kagameniń óz elinde beıbitshilik ornatý úshin eleýli kúsh-jiger jumsaǵanyna da nazar aýdardy. "Rýanda halqy sumdyq genosıdti bastan ótkerdi, Siz oǵan toqtaý sala aldyńyz jáne búginde respýblıkany damytý úshin kóp nárse jasap jatyrsyz", - dedi Qazaqstan Prezıdenti.

Rýanda Prezıdenti óz kezeginde Nursultan Nazarbaevqa kezdesý úshin alǵys aıtyp, ekijaqty yntymaqtastyqty damytýǵa nıetti ekenin bildirdi. 
«Qamshy» silteıdi