QR Energetıka mınıstri Vladımır Shkolnık Qazaqstan men EAEO elderindegi janarmaı baǵasyn salystyra otyryp, elimizde janarmaı otynynyń 1 lıtrdegi baǵasy kórshi memleketterge qaraǵandaı aıtarlyqtaı arzan ekenin atap ótken. Bul týraly «Qamshy» portaly Total.kz-ke silteme jasaı otyryp haarlaıdy.

«Reseıdegi janarmaı beketterinde AI-92 markaly benzınniń baǵasy lıtrine 143 teńgeni quraıdy. Al bizde atalmysh markadaǵy benzınniń ortasha baǵasy 125 teńge. Bul arzan emes pe? Áıtpese, biz  sol benzındi Reseıden kóterme baǵada ımporttaımyz. Onyń ústine Reseıde  artyq salyq joq. Tek ózimizdiń elge kirgennen keıńin ǵana aksızdeý úshin salyq salamyz. Bul ázirge tıimdi emes pe?!»,-deıdi mınıstri Shkolnık myrza.

Sondaı-aq, energetıka mınıstri Shkolnık myrza Qazaqstanda AI-92 markaly janarmaı otynynyń qory jetkilikti ekenin atap ótken. «Qazir qor jetkilikti. Biraq, ary qaraı qalaı bolmaq?»,-degen mınıstr myrza ótken jylǵylarmen salystyra kele dollardyń teńgege shaqqandaǵy baǵamyna alańdaýshylyq bildirgen.

Mysaly, ótken jyly AI-92 markasy 128 teńgeni quraǵanda kýrs – 150 teńge edi. Al benzın dollarmen eseptegende 80 sent turdy. Qazir baǵa 125 teńge lıtrine, al dollar 270. Demek benzın baǵasy 40 sentke quldyrady. Iaǵnı, benzınniń dollardaǵy úlesi azaıǵan. Biraq, biz esepti teńgemen aıyramyz ǵoı. Demek, teńge men rúbldiń dollarǵa shaqqandaǵy baǵamy qandaı bolmaq, soǵan tikeleı baılanysty degen sóz. Sonymen qatar, mınıstr myrza benzınniń taǵdyry qandaı bolmaq degen jýrnalıserdiń suraǵyna «maǵan eń bolmaǵanda teńgeniń baǵamyna qatysty bir boljam aıtyp berińizdershi, men sizderge benzınniń ne bolatynyn aıtamyn», -dep jaýap qaıyrǵan.

Nurzat Toǵjan

«Qamshy» silteıdi