Shymkent qalasyndaǵy emhanalar janynan qurylǵan mobıldi brıgadalardyń jumysy qatań baqylaýda. Mobıldi top qyzmetkerlerdiń naýqastarǵa úı jaǵdaıynda durys ambýlatorlyq qyzmet kórsetýin sıtýasıalyq ortalyqtaǵy mamandar úılestirip otyrady. Bul jumystar keshegi ótken shtab otyrysynda qala ákimi M.Áıtenov bergen tapsyrma negizinde júzege asyrylyp otyr.

Búgin qalalyq densaýlyq saqtaý basqarmasynyń basshysy B.Pozılov emhanalardy aralap, mobıldi brıgadalardyń jumysyn úılestiretin sıtýasıalyq ortalyqtyń jumysyn baqylap shyqty.

Mobıldi toptyń quramyna jalpy tájirıbeli dáriger, terapevt, pedıator jáne medbıke kiredi. Naýqastyń densaýlyǵyn teksergen mamandar odan PTR-synama aldy. Nátıjesi keıinirek belgili bolady.

Qazirgi tańda 39 memlekettik jáne jekemenshik emhanada shaqyrtýǵa baratyn 216 mobıldi brıgada jáne 45 onlaın konsýltasıa beretin brıgada jumys isteýde.

Brıgada qyzmetkerleri Covid-19, pnevmonıaǵa shaldyqqan, jiti respıratorlyq aýrýdyń belgileri barpasıentterge úıde ambýlatorıalyq-emhanalyq kómek kórsetip, kovıdkekúdikti pasıentterden jedel PTR synamasyn alady

Shymkent qalasy qazir koronavırýs indeti órship turǵan aımaqtardyń qatarynada. Qaýiptiliktiń qoıý qyzyl deńgeıi jarıalandy. Jaǵdaıdy baqylaýda ustaýǵa barlyq sala jumyldyrylǵan.