Tálipter Kanadahardaǵy stadıonda 4 komandırdi óltirdi degen habar shyqqannan keıin, jelide aýǵan azamattarynyń oqqa ushyp, shuńqyrǵa tastalǵany týraly beınejazbalar men sýretter paıda boldy.

Aýǵanstandy basqarýdy óz qolyna alǵan Talıban uıymy týraly túrli aqparat jelide jarıalanýda. Búgin buqaralyq aqparat quraldarynda tálipter stadıonda 4 komandırdi óltirdi delingen aqparat shyqty.

Haos atmosferasy ornaǵan Aýǵanstanda tálipter óltirgen adamdardy shuńqyrǵa laqtyryp jatqan sýretter de BAQ betterinde jarıalandy. Fotosýretter Aýǵanstannyń ońtústigindegi Kandahar mańynda túsirilgeni belgili boldy.

Talıban uıymy Aýǵanstan astanasy Kabýlǵa kirgennen keıin prezıdent Ashraf Ǵanı elden qashyp ketken. Al beıbit turǵyndar shekara men áýejaıǵa qaraı aǵylǵan. Ushaqqa mine almaǵan turǵyndar ushaq shasıine jabysyp, elden ketpek bolǵan. Alaıda olardyń birazy ushaqtan qulap, qaza tapqan.