Almaty oblysynda eki polıseı jol apatynan kóz jumdy. Bul týraly oblystyń polısıa departamenti habarlady.

Oqys oqıǵa 17 tamyz saǵat 22:00-der shamasynda "Almaty-Óskemen" tasjolynda bolǵan.  "Toyota Camry" avtokóligi soltústik baǵytta júrip kele jatqanda aldyńǵy sol jaq dóńgelegi tesilip, jeńil kólik 90 gradýsqa aınalyp, "Hyundai Accent" avtokóligimen soqtyǵysqan.

Saldarynan Almaty oblysy İle aýdandyq polısıa bóliminiń 21 jastaǵy Muhtar Nurtileý jáne 23 jastaǵy Sanjar Omarbek atty 2 qyzmetkeri oqıǵa ornynda qaza tapqan. Al úshinshi polıseı 21 jastaǵy Maqsat Ramazan túrli dene jaraqatymen aýrýhanaǵa jetkizilgen.

Sondaı-aq Ótegen batyr kentindegi ortalyq aýrýhanaǵa túrli jaraqattarmen osy kóliktiń taǵy bir jolaýshysy jetkizildi.

Qazir atalǵan is qylmystyq kodekstiń 345-baby (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý) boıynsha tirkelgen. Tıisti saraptamalar taǵaıyndalǵan.