Shymkenttegi №1 arnaýly áleýmettik qyzmetter kórsetý ortalyǵy kómekke muqtaj, jasy on segizden asqan, I - II toptaǵy psıhonevrologıalyq aýrýlary bar múmkindigi shekteli azamattarǵa 8 baǵyt boıynsha qyzmet kórsetedi. Qazirgi tańda ortalyqta 220-dan astam múmkindigi shekteýli jandar bar.

Búginde ortalyq kópfýnksıonaldy kereýetter arnaıy quraldarmen qamtyldy. Bul jańadan satyp alynǵan medısınalyq kereýetter jyljytýǵa yńǵaıly bolý úshin aıaqtary dóńgelek tejeýmen jabdyqtalǵan.

Al kópfýnksıonaldy kereýettiń basty erekshelikteri – naýqastyń yńǵaılylyǵy men jaılylyǵy, tazalaý men dezınfeksıalaý jumystarynyń ońtaılandyrylýynda. Tósekti tazalaý, dezınfeksıalaý úshin palatanyń ishine esh qıyndyqsyz jyljytýǵa bolady. Sonymen qatar, tósekte pasıentterge kútim jasaýǵa arnalǵan aksesýarlardyń úlken tańdaýy bar.

Aıta ketý kerek, barlyq talaptarǵa saı 110 oryndyq jańa ǵımarat 2017 jyly qoldanýǵa berildi. Onda galereıa, 2 psıhologıalyq kómek kórsetý kabıneti, defektolog kabıneti, dárigerler, akýsher-gınekologıalyq kabınet, stomatologıalyq kabınet, jańa zamanaýı tehnıkalarmen jabdyqtalǵan 3 medısınalyq beket, 96 oryndyq asqana, 2 trenajerlyq zal, yńǵaıly pandýs qoıylyp, qolaıly jaǵdaılar jasalynǵan.