Shymkent qalasynyń ákimi Murat Áıtenov Toǵys turǵyn alabynda ornalasqan №120 jalpy orta mekteptiń jańa oqý jylyna daıyndyǵyn tekserdi.

Mektep janynan salynǵan qosymsha 300 oryndyq oqý korpýsynyń qurylysy aıaqtalyp, búginde munda abattandyrý tazalaý jumystary júrip jatyr.

Buǵan deıin atalǵan mekteptiń 926 orynǵa arnalǵan ǵımaratynda daıarlyq tobyn qosa alǵanda 2116 bala bilim alyp kelgen. 300 oryndyq qosymsha oqý korpýsy bul máseleni tolyǵymen sheship otyr.

Qala ákimi oqýshylar arasynda koronavırýs ınfeksıasynyń taralýyn boldyrmaý úshin mekteptiń sanıtarlyq qaýipsizdigin qamtamasyz etýdi tapsyrdy.

Mektep dırektory sabaq barlyq sanıtarlyq-epıdemıologıalyq talaptardy saqtaı otyryp uıymdastyrylatynyn jáne uıym dezınfeksıalyq quraldarmen qamtylǵanyn aıtty.

Jańa qosymsha ǵımaratta balalardyń bilim alýyna jáne sportpen shuǵyldanýyna barlyq jaǵdaı jasalǵan.