Mundaı ınvestısıalyq jobany Polshanyń Selena Group kompanıasy qalalyq ınvestısıalyq shtab otyrysynda usyndy. Joba quny – 3 mlrd teńge. Jeke kásipker óndiristi

2021-2022 jyldary iske asyrýdy josparlap otyr. Oǵan qajetti jer telimi – 2 ga. Juldyz ındýstrıaldy aımaǵynan jer telimin berý kózdelýde. Kásiporyn iske qosylǵanda 100 adam turaqty jumyspen qamtylady dep kútilýde.

Osyndaı serpindi jobalar Shymkent qalasynyń ekonomıkalyq damýyna úles qosatynyna senim bildirgen qala basshysy eń bastysy ımportty almastyratyn sapaly ónim shyǵarýdy basty maqsat etýdi aıtty.

Aıta keteıik, qaladaǵy «Juldyz» ındýstrıaldy aımaǵynda búginde ınjenerlik ınfraqurylym júıeleri salynýda. Munda shamamen quny 200 mlrd. teńge bolatyn 60 iri zamanaýı kásiporyndar ashylady.

Investorlar tarapynan qyzyǵýshylyq joǵary. Búginniń ózinde 100 mlrd. teńgege 25 ınvestısıalyq jobalardyń pýly jasaqtalǵan. Kelisimderge sáıkes bıyl 10 jobanyń qurylysy bastalady dep josparlanýda.