Shymkent qalasynda eskirgen jylý qubyrlaryn aýystyrý jumystary qarqyndy túrde júrgizilip jatyr. Bıyl qalada uzyndyǵy 29,5 shaqyrym bolatyn jylý júıelerine aǵymdaǵy jóndeý jumystary júrgizilýde. Bul týraly qalalyq energetıka jáne ınfraqurylymdy damytý basqarmasynyń basshysy Boranbaı Bolatbekov málim etti.

Onyń aıtýynsha, osy jyly jylý júıeleriniń tozý deńgeıin tómendetý maqsatynda jergilikti búdjetten 1,96 mlrd. teńge qaralǵan. Búgingi kúnge jumystardyń 84 paıyzy oryndalǵan, ol 24,7 shaqyrymdy quraıdy. Kestege sáıkes qyrkúıek aıynyń sońyna deıin tolyq aıaqtalady.
Aıta keteıik, qalanyń jylý júıeleriniń uzyndyǵy 419,3 shaqyrymdy quraıdy. Jylý maýsymynan soń qysymmen tekserý jumystary júrgizilip, 84 aqaý oryn alǵany anyqtalǵan. Anyqtalǵan kemshilikter tolyǵymen qalpyna keltirilgen.