Shymkent qalasyna kelýshi qonaqtar úshin yńǵaıly jáne jaıly jaǵdaı jasaý maqsatyndaǵy jumystar júıeli iske asýda. Bıylǵy jyldyń mamyr aıynda Týrızm jáne syrtqy baılanystar basqarmasy men «Kazakh Tourism» ulttyq kompanıasy arasyndaǵy ekijaqty kelisim aıasynda «eQonaq» biryńǵaı aqparattyq júıesi qonaq úılerde ornatylǵan bolatyn.

Aqparattyq júıe arqyly megapolıske kelgen týrıser erterekte atqarylǵandaı Kóshi-qon polısıasyna baryp nemese «egov» portalyna kirip ýaqyt joǵaltpaı, ózderi toqtaǵan qonaq úıde qyzmetkerlerdiń kómegimen nemese óz yqpalymen tirkele alady. Bul týrıserdi esepke alý, týrısik aǵyndy taldaý jáne kóshi-qon baqylaýyn júzege asyrýǵa arnalǵan júıe. Búgingi kúnge deıin bazada 40 myńǵa jýyq shetel azamaty tirkelgen.

Jalpy Shymkentte 120 ornalastyrý orny bar. Onyń jetpisinde, atap aıtsaq, qonaq úıler, hostelder jáne demalys úıleri tájirıbede qoldanyp keledi. Jyl sońyna deıin barlyq nysanǵa «eQonaq» biryńǵaı aqparattyq júıesin ornatý josparlanǵan.