Prezıdenttik jastar kadr rezervi jas talanttardy anyqtaýǵa múmkindik beredi. Osylaı degen memlekettik qyzmet isteri agenttiginiń Shymkent qalasy boıynsha departamentiniń basshysy Álı Kómekbaev irikteýden ótken úmitkerler ózindegi tyń ıdeıany usyný arqyly halyqqa jańashyldyq alyp keletinine senimdi. 2019 jyly alǵash ret uıymdastyrylǵan bul sharanyń synynan súrinbegender, qazirgi tańda memletkettik mekemelerde joǵary laýazymdy qyzmet atqaryp júr.
Prezıdenttik jastar kadr rezervi jas talanttardy anyqtaıdy. İrikteýden ótken úmitkerler qabiletin kórsetip, ózindegi jańa ıdeıany usyna alady. Qyrkúıek aıynda bastalatyn irikteý kezeńinen ótkender 3 jyl kadr rezervinde bolady. Al alǵash ret 2019 jyly uıymdastyrylǵan kezde úmitkerler 5 jylǵa rezervke alynǵan bolatyn.
Osy bolyp jatqan jumys jastarǵa úlken múmkindik beredi. Ambısıasy bar, ósem-aý dep, óńem-aý dep, jumysymdy kórsetem degenderge úlken múmkindik. Sóıte turyp, jańa tanystarǵa, jańa dostarǵa ıe bolý múmkindigin beredi. Kóz ashylady, óziniń biliktiligin arttyrýǵa múmkindik beredi. Adam qalasa ózi aryz jazyp, qujattardy tapsyryp, ózi qatysa beredi. Myna qazir shartty túrde aıtaıyn, dál qazir mynaý jarıalaǵannan keıin qalasa 100 myń adam qatysýy múmkin. Alǵashqyda, eń birinshisinde. Sóıtip solardan birinshi kezeńnen keıin myń adam qalady. Endi praktıkany alatyn bolsaq, Shymkent qalasynan birqatar azamattar alǵashqy irikteýge qatysqan. Olar Shymkent qalasynda ǵana emes, basqa memleketimizde, basqa óńirlerde jumys jasaýda
Departament basshysy 2019 jyly jastar kadr rezervi synynan ótken 300 adamnyń 60 paıyzy memlekettik mekemelerde qyzmet atqaryp júrgenin aıtady. Al qalǵandary ázirge rezervte tur. Kezeńderden súrinbegen úmitkerlerdiń ózi qalaǵan salada usynys bildirip, jumysyn ári qaraı jalǵastyrýǵa múmkindigi bar.
Jastar kadr rezervine qatysatyn úmitkerler birneshe synnan ótedi. Olarǵa qoıylatyn talaptar da bar. Jasy 35-den aspaǵan, joǵary bilimdi jáne keminde 5 jyl jumys ótili bolýy kerek. Sondaı-aq memlekettik tildi ortasha deńgeıden tómen emes dárejede biletin azamattar qatysa alady.
Ádilet Nysanbaev, QR Prezıdenti janyndaǵy Memlekettik basqarý akademıasy Shymkent qalasy boıynsha fılıalynyń dırektory. Bıylǵy jyly jastar kadr rezerviniń irikteýdiń jańashyldyǵynyń bir úmitkerlerge memlekettik tildi bilý deńgeıin rastaıyn qujat talap etiledi. Prezıdenttik jastar kadr rezervine qatysatyn úmitkerler úshin 13-15 qyrkúıek aralyǵynda QazaqResmiTest-ke daıyndyq kýrstary uıymdastyrylady.
Aıta keteıik, ekinshi kezeńde úmitkerlerge sıtýasıalyq tapsyrmalar beriledi. Onda úmitkerler Qazaqstannyń 2025 jylǵa deıingi Ulttyq damý josparyna sáıkes taqyryptyq baǵytty tańdap, sol boıynsha tapsyrmany oryndaıdy. Qujattardy qabyldaý aǵymdaǵy jyldyń 1 qyrkúıeginen bastap arnaıy ázirlengen pkrezerv.gov.kz sıfrlyq platformada onlaın rejımde júrgiziledi.
