Shymkent qalasyndaǵy «Sırk» mekemesinde «Jylqyǵa minip jattyǵý» sheberlik saǵaty ótti. Oǵan qaladaǵy qosalqy mektep-ınternatynyń 15 oqýshysy men qyzyǵýshylyq tanytqan balalar jáne ata-analar qatysty. Olar Shymkent - Sırk aýmaǵynda jańadan ashylǵan ıpodrom alańynda jattyqty.

Sheberlik saǵatynyń barysynda balalar atqa qalaı otyrý keregin, jylqymen jumys isteýdiń paıdasy týraly tanysty. Balalardyń bári at ústine minip máz bolyp, kóńil-kúıleri kóterilip qaıtty.

Ippoterapıaǵa qatysqan balalardyń basym kópshiliginde oı-órisiniń kesh damýy, qımyl-qozǵalysynyń álsizdigi bar. Al ony emdeýge jylqyǵa minip jattyǵý kómektesedi.

Jylqyǵa minip jattyǵý arqyly emdeýdiń tıimdiligin dárigerlerdiń ózi moıyndaǵan. Búginde erekshe balalar sáıgúlikterge minip biraz serýen qurdy. Tańdap alynǵan jylqylar salt júriske jaıly, tarpań minezi joq, jýas. Atpen serýendeý eń aldymen tamasha massaj. At ústindegi adamnyń barlyq bulshyq eti jumys isteıdi.

Ippoterapıa:
- Dene belsendiligi artyrady;
- Jańa qabiletteri ashýǵa kómek etedi;
- Psıhıkalyq ońalýdan ótýge úles qosady;
- Seberaldy sal aýrýlaryn ońaltýda septigin tıgizedi;
- Oılaý qabiletin jaqsartady;
- Boıdaǵy qorqynysh pen úreıden aryltady.

Qosalqy mektep-ınternatynyń meńgerýshisi de balalardyń aıryqsha qýanǵanyn aıtyp, Shymkent-Sırkke alǵysyn bildirdi. Aldaǵy ýaqytta Sırk ujymy erekshe balalardyń ońalýy úshin birlese jumys isteýge daıyn ekenin jetkizdi.